Charter Document - 02030025

Johannes episcopus servus servorum Dei reverentissimo et sanctissimo Adalgario sancte Augustudunensis ecclesie episcopo ac per te in eadem ecclesia in perpetuum Divine preceptionis monent cunctos eloquia ut quotiens res aliena contra rationis ordinem a quoquam detinetur equitate debeat imminente restitui Constat siquidem villam quandam Tilionacum proprietatis jure sancti fuisse quondam Leodegarii Augustidunensis episcopi et ab eo sancto collatam Nazario cujus vocabulo ipse honoratur episcopatus Post vero cum a pravis hominibus longo tempote fuisset retenta et quasi in proprietatem eorum redacta dilectus filius noster Karolus clementissimus imperator supra hoc subtili examinatione habita cum eam ad jus ecclesie Augustidunensis pertinuisse legitime cognovisset et possessam primo ab ea et postea pervasam a violentibus hominibus liquido didicisset hanc precepto sue auctoritatis ipsi episcopio reddidit et ad jus ipsius ecclesie revocavit cui scilicet hanc superius nominatus sanctus Leodegarius olim contulerat Et ideo quia postulavit a nobis sanctitas tua ut jam memoratam villam secundum imperiale preceptum apostolice auctoritatis liberalitate aut privilegio Augustidunensi ecclesie confirmaremus inclinati precibus tuis superne pietatis gratia suffragante predicte ecclesie cui fraternitas tua preesse dinoscitur sepe nominatam villam sicut antiquitus fuit denuo confirmamus ut hoc quod suum fuerat et redditum nunc possidet debeat sine cunctatione perpetuis temporibus possidere vel adherere hujus privilegii auctoritate confirmantes antedictam villam in prefato episcopio constituimus quod in ejusdem episcopii ecclesia de qua ablata fuerat nunc reddita in ipsius dominio sine ambiguitate permaneat Non solum autem crebro dictam villam sed et omnes que ejusdem ecclesie vel modo sunt vel future consistunt in eodem episcopio confirmamus habendas statuentes pontificali censura sub interdictione anathematis futurique judicii nulli liceret hec que a nobis tam super jam dicta villa quam super omnibus rebus ab eadem ecclesia vel habitis vel habendis promulgata sunt aliqua temeritate violare vel conturbare aut repetere sed potius stabilitate perhenni inconvulsa permanere in eodem pio loco decernimus Quod si quis autem magnus vel parvus adversus hoc privilegium auctoritate apostolice sedis munitum agere temptaverit sciat se perhenni judicio condempnandum et igni qui non extinguitur mancipandum Qui vero custos et conservator ejus extiterit eternis gaudiis perfruatur et premiis cum angelis in celestibus potiatur Scriptum per manus Gregorii notarii regionarii et scriniarii sancte romane Ecclesie in mense novembri indictione decima Benevalete