Charter Document - 02030020

In nomine Domini et Salvatoris nostri Jesu Christi Hludovicus divina providentia ordinante imperator augustus Cum petitionibus servorum Dei justis et rationabilibus divini cultus amore acquiescimus superni muneris donum a Domino impertiri credimus Idcirco noverit sagacitas seu utilitas omnium fidelium nostrorum tam presentium quam futurorum quia venerabilis Modoinus Augustidunensis urbis ecclesie episcopus obtulit obtutibus nostris auctoritatem immunitatis domini et genitoris nostri bone memorie Karoli piissimi augusti in qua erat insertum quod non solum idem genitor noster verum etiam et antecessores ejus reges videlicet Francorum ecclesie sancti Nazarii martiris cui auctore Deo ipse Modoinus preest sub suo nomine et defensione cum monasteriis et cellulis seu parochiis sibi subjectis et rebus vel hominibus ad se pertinentibus vel aspicientibus consistere fecerant et earum immunitatum auctoritatibus hactenus ab inquietudine judiciarie potestatis eadem munita atque defensa fuisset ecclesia Sed pro rei firmitate postulavit a nobis prefatus episcopus Modoinus ut paternum seu predecessorum nostrorum regum morem sequentes hujuscemodi nostre immunitatis preceptum ob amorem Dei et reverentiam ipsius loci sancti circa ipsam ecclesiam fieri censeremus Cujus petitioni libenter adsensum prebuimus et hoc nostre auctoritatis preceptum erga ipsam ecclesiam immunitatis et tuitionis gratia pro divini cultus amore et anime nostre remedio fieri decrevimus per quod precipimus atque jubemus ut nullus judex publicus vel quislibet ex judiciaria potestate in ecclesias aut loca vel agros seu reliquas possessiones quas moderno tempore in queislibet pagis vel territoriis infra ditionem imperii nostri tam ultra quam citra Rhenum Rhodanum Ligerimque juste et legaliter tenet vel possidet ecclesia vel ea que deinceps in jure ipsius sancti loci voluerit divina pietas augeri ad causas audiendas vel freda aut tributa exigenda aut mansiones vel paratas faciendas aut fide jussores tollendos aut homines ipsius ecclesie tam ingenuos quam servos super terram ipsius commorantes distringendos nec ullas redhibitiones aut illicitas occasiones requirendas nostris et futuris temporibus redhibemus ingredi audeat vel ea que super memorata sunt penitus exigere presumat Sed liceat memorato presuli suisque successoribus res predicte ecclesie cum monasteriis et cellulis seu parochiis sibi subjectis ex rebus vel hominibus ad se pertinentibus vel aspicientibus sub tuitionis atque immunitatis nostre defensione remota totius judiciarie potestatis inquietudine quiete possidere et nostro parere imperio atque pro incolumitate nostra conjugis et prolis seu etiam totius imperii a Deo nobis conlati et ejus clementissima miseratione per immensum conservandi una cum clero et populo sibi subjecto Dei immensam clementiam exorare delectet Et quidquid de prefate rebus ecclesie jus fisci exigere poterit in integrum eidem concessimus ecclesie scilicet ut perpetuo tempore ei ad peragendum Dei servitium augmentum et supplementum fiat Hanc itaque authoritatem ut pleniorem in Dei nomine obtineat vigorem et a fidelibus sancte Dei Ecclesie et nostris verius credatur et diligentius conservetur eam manu propria subter firmavimus et annuli impressione subtersignari jussimus Signum Hludovici serenissimi imperatoris Durandus diaconus ad vicem Elicazar recogno vi et subscripsi Data IX kalendas augusti anno Christo propitio II imperii domini Hludovici piissimi augusti indictione VIII Actum Paderburno in Saxonia in nomine Dei feliciter Amen