Charter Document - 02030013

In nomine Domini Dei etiam et Salvatoris nostri Jesu Christi Hludovicus misericordia rex Si locis Christi divinis cultibus mancipatis subsidium nostra auctoritate tribuimus ob hoc credimus emolumentum celestis patrie melius acquiri et presentem vitam convenientius transire Quocirca noverit omnium sancte Dei Ecclesie fidelium atque nostrorum unanimis universalitas quoniam nos ad deprecationem Theodorici comitis Augustodunensis villam Beliniacum que olim a pravis antecessoribus nostris ab episcopatu sublata fuerat et comitatui sociata novis et decimis adhuc ad jam dictam ecclesiam venientibus ob amorem Dei eternorumque premiorum remunerationem sancto Nazario presentique presuli Adalgario seu successoribus ejus eternaliter reddimus et delegamus eo videlicet modo ut et numerus canonicorum ob hoc augeat et stipendia eis in hac villa ad dispositionem episcopi tribuantur quo multiplicato numero canonicorum et ordinatione in querimoniis confirmata pro nobis conjuge et prole regnique statu libentius Domini misericordiam exorare procurrent Statuimus ergo atque decernimus Domino teste et judice ut a nullo unquam regum successorum nostrorum hec nostre largitudinis auctoritas violetur seu sicut alie res ejusdem episcopatus ita hec villa eternaliter maneat indivulsa immunitatem quoque sicut alie res ecclesie ita hec jam dicta villa habeat reliquisque privilegiis ejusdem ecclesie subjecta persistat ac maneat Ut autem hujus nostre confirmationis auctoritas pleniorem in Dei nomine obtineat firmitatis vigorem manibus propriis eam subscripsimus Signum Hludovici gloriosissimi regis Vibaldus notarius ad vicem Gauzelini recognovit Datum X kalendas februarii indictione XII anno II regni domini Hludovici gloriosissimi regis Actum Gundulfi villa palatio publico in Dei nomine feliciter Amen