Charter Document - 02030006
| Charter Number: | 02030006 |
|---|---|
| Cartulary Title: | Cartulaire de l'Eglise d'Autun |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 0900 |
| Date type: | Internal, Calendar, Regnal |
| Resource Link(s): |
|
Charter:
In nomine sancte et individue Trinitatis Karolus divina propitiante clementia rex Si locis sacris et divinis cultibus mancipatis aut injuste abstracta redintegrando aut juste collata regis liberalitate ampliando opem nostre celsitudinis accomodamus hoc ad utriusque vite felicitatem facilius obtinendam nobis profuturum non dubitamus Quamobrem noverit omnium sancte Dei Ecclesie fidelium et nostrorum presentium scilicet et futurorum generalis unanimitas quoniam adiens presentiam nostre serenitatis Richardus comes illustris et marchio adhibito secum Wallone venerabili Eduensis ecclesie episcopo retulit nobis qualiter antecessor ipsius episcopi castrum quod est situm in latere Edue civitatis in quo mater ecclesia in honore sancti Nazarii habetur sacrata per preceptum regium adeptus fuerat et presens pontifex hactenus libero est potitus arbitrio et ob hanc causam quo liberius eum in restitutione illius ad custodiam sancte ecclesie invigilare delectet precatus est ut illud eidem sueque ecclesie precepto nostre auctoritatis largiendo confirmaremus Adiens insuper ut monetam ejusdem urbis dudum ab eadem ecclesia pravitate quorumdam comitum indebite alienatam nostra innovatione ei redintegraremus Cujus rationabilem petitionem prospicientes ob amorem Dei et reverentiam beati Nazarii atque ad deprecationem prenominati proceris hoc nostre confirmationis precepto jam dictum castrum cum omni sua integritate ecclesie beati Nazarii et jam dicto presuli ac successoribus suis absque ulla judiciarie potestatis inquietudine nostris futurisque temporibus habendum regendum ac possidendum renovamus delegamus et confirmamus Similiter et pro remedio domini et avi nostri anime Karoli piissimi augusti et genitoris nostri Hludovici serenissimi regis necnon pro absolutione nostrorum peccaminum et pro stabilitate regni nostri monetam quam in prefata urbe comitalis potestas dominabatur per consensum et deprecationem supra memorati comitis sepe dicto martyri et sue ecclesie restituendo restauramus immo et largiendo confirmamus et inviolabiliter indulgemus ea videlicet conditione ut presens futurique ipsius ecclesie episcopi eam prefatam castri regendi confirmationem quam et subjectam nostre cessionis largitionem immo et regie munificentie innovationem ecclesiastico jure nemine inquietante possideant et canonico indispensando fruantur arbitrio pro integra quoque nostre tuitionis firmitate nostra devotione eidem ecclesie conferenda omnia precepta a suprascripto avo nostro dive recordationis augusto et deinceps stabilita hanc nostri decreti roborationem superaddentes confirmamus et ut a nemine in presenti aut in futuro cujusquam inquietari presumantur temeritate modis omnibus prohibemus Ut autem hujus nostre confirmationis renovationis et largitionis cessio tuitiorem in Dei nomine obtineat firmitatis plenitudinem manu propria eam firmantes annuli nostri impressione subterjussimus insigniri Signum Karoli gloriosissimi regis Heriveus notarius ad vicem Anskirici episcopi recognovit Data pridie kalendas julii indictione III anno VII regnante et redeintegrante Karolo gloriosissimo rege Actum apud Vermeriam in Dei nomine feliciter Amen