Charter Document - 02010012
| Charter Number: | 02010012 |
|---|---|
| Cartulary Title: | The Charters of the Priory of Beauly |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1373 |
| Date type: | Internal, A.D., Calendar, Papal |
| Resource Link(s): |
|
Charter:
Gregorius Episcopus Servus Servorum Dei dilectis filijs Priori et Conventui Monasterij Belli loci ordinis Vallis caulium ad Romanam Ecclesiam nullo medio pertinentis Rossensis Diocoesis Salutem et Apostolicam Benedictionem Justis petentium desiderijs dignum est nos facilem prebere consensum et vota que a rationis tramite non discordant Effectu prosequente complere Ea propter dilecti in Domino filij vestris justis postulationibus grato concurrentes assensu omnes libertates et immunitates per privilegia et alias indulgentias Romanorum Pontificum Predecessorum nostrorum monasterio vestro concessas nec non Libertates et Exemptiones secularium Exactionum a Regibus et Principibus et alijs Christi fidelibus rationabiliter vobis indultas sicut eas juste ac pacifice obtinetis vobis et per vos eidem Monasterio auctoritate Apostolica confirmamus et presentis scripti patrocinio communimus Nulli ergo omnino hominum liceat hanc paginam nostre Confirmationis infringere vel ei ausu temerario contraire Si quis autem hoc attemptare presumserit indignationem Omnipotentis Dei et beatorum Petri et Pauli Apostolorum ejus se noverit incursurum Datum Lugduni Idibus Martii Pontificatus nostri anno tertio
Source (click image below to view full size)
