Charter Document - 02010010

Omnibus hoc scriptum visuris et Audituris Willielmus de Fenton Dominus de Beuford salutem in Domino sempiternam Noverit universitas vestra me pro salute anime mee et pro salute animarum antecessorum et Successorum meorum dedisse concessisse et hac presenti carta mea confirmasse Deo et Beate Marie et Beato Johanni Baptiste et Domui Belli Loci et Fratribus ordinis vallis caulium ibidem Deo servientibus et servituris in perpetuum duas marcas annuas percipiendas singulis annis de Molendino de Beuford per Ballivos meos de Beuford et heredum meorum seu per firmarios dicti Molendini qui pro tempore fuerint in liberam puram et perpetuam Eleemosynam ad duos anni terminos medietatem scilicet ad Pentecosten et alteram medietatem ad festum sancti Martini in yeme Tenendas et habendas dicte domui et predictis Fratribus de me et heredibus meis libere quiete plenarie et honorifice Renunciando in hac parte pro me et heredibus meis omnibus Litteris Impetratis et Impetrandis et omni Juris remedio tam civilis quam canonici que huic donationi me in aliquo possint obviare vel resistere aut dicte domui vel predictis fratribus in aliquo valeant nocere Ego vero et heredes mei predictas duas marcas annuas predicte domui et predictis fratribus in puram et perpetuam Eleemosynam contra omnes mortales warrantisabimus acquietabimus et in perpetuum defendemus In cujus rei Testimonium presentibus sigillum meum apposui Datum apud Beuford die Sancti Valentini Martiris Anno Gratie Millesimo trecentesimo vicesimo octavo hijs testibus Domino Cristino del Ard milite Alexandro Pylche Vicecomite de Innernyss Haraldo filio Dofnaldi Domino Petto Cappellano de Ferneway Waltero dicto cancellarii Laurentio Corbeyt et Multis alijs