Charter Document - 02010007
| Charter Number: | 02010007 |
|---|---|
| Cartulary Title: | The Charters of the Priory of Beauly |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1278 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum visuris vel audituris Andreas de Boscho et Elizabetha sponsa sua salutem Sciant presentes et futuri nos pro salute animarum nostrarum et pro salute animarum Antecessorum et Successorum nostrorum dedisse concessisse et hac presenti carta nostra confirmasse Deo et Beata Maria et B Johanni Baptiste et Domui Belli loci et fratribus ordinis Vallis Caulium ibidem Deo servientibus et servituris in perpetuum in liberam puram et perpetuam Eleemosynam duas Marcas Annuas recipiendas singulis annis apud Castrum Nostrum de Eddyrdor a nobis et ab heredibus nostris vel a Ballivis nostris quicunque ibidem fuerunt pro tempore vel in tenemento nostro de Eddirdor ad duos terminos anni medietatem scilicet ad Pentecosten et aliam medietatem ad festum sancti Martini in Hyeme Tenendas et habendas dicte domui et dictis fratribus a nobis et heredibus nostris libere quiete plenarie et honorifice in perpetuum in liberam puram et perpetuam Eleemosynam Renunciamus etiam pro nobis et omnibus heredibus nostris omnibus litteris impetratis et impetrandis tam Papalibus quam Regalibus et Regie prohibitioni et Constitutioni de duabus Dietis et omni etiam juris remedio tam Civilis quam Canonici que huic donationi in aliquo possint obviare vel resistere aut dicte domui vel dictis fratribus Super dicta Donatione nostra in aliquo valeant nocere nos vero dictus Andreas et Elizabeth sponsa mea et heredes nostri Dictas duas marcas annuas predicte domui et predictis fratribus in perpetuum contra omnes homines et feminas warrantisabimus acquietabimus et defendemus In cujus rei testimonium presenti Scripto sigilla nostra fecimus apponi hijs testibus Domino Roberto Dei Gratia Episcopo Rossensi Domino Johanna Decano Rossensi Domino Duncano Cancellario Rossensi Domino Willielmo Succentore Rossensi Willielmo Comite de Ross Domino Willielmo de Haya Willielmo Vicario de Eddyrdor Johanna filio Christini MacGillo Isaac Macgillendris Stephano filio Galfridi Molenctinarij Colino Gove tunc Constabulario de Taruedal Roberto de Rolloc et multis alijs Datum apud Eddyrdor die Veneris proxima post festum Exaltationis Sancte Crucis Anno Gratie Millesimo ducentesimo septuagesimo octavo
Source (click image below to view full size)
