Charter Document - 02010005
| Charter Number: | 02010005 |
|---|---|
| Cartulary Title: | The Charters of the Priory of Beauly |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1274 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Sciant presentes et futuri hoc scriptum visuri vel audituri quod cum mora esset controversia inter Priorem et Conventum Monasterii de Bello loco ex una parte et Magistrum Henricum de Tottyngham Rectorem Ecclesie de Taruedal ex altera sub omnibus querelis petitionibus controversijs injurijs et dampnis inter eos datis et habitis tandem de consensu partium concorditer compromiserunt in venerabilem virum Archibaldum Archidiaconum Moraviensem Dei gratia tunc electum Kattanensem et Magistrum Radulphum dictum Reny Subdecanum Moraviensem et Magistrum Thomam de Boch Canonicum ejusdem Ecclesie et fideliter consenserunt in eosdem fide data in manibus predicti Domini tunc electi quod dictorum compromissarium arbitrio starent de premissis omnibus et singulis sub pena centum Marcarum solvendarum parti nolenti a predictorum arbitrio resilire Ad quam penam si fuerint quod absit commissa solvendam obligaverunt seipsos hinc inde et omnia bona sua mundana et Ecclesiastica mobilia et immobilia subjicientes se jurisdictioni Domini Archibaldi Archidiaconi Moraviensis Dei gratia tunc electi Kattanensis quo de plano et sine strepitu judiciali per sententiam excommunicationis posset partem volentem resilire a predicto arbitrio compellere sicut predictum est ad penam supradictam solvendam Renunciaverunt in super hinc inde litibus processibus habitis et habendis appellationibus interpositis et interponendis coram quibuscunque Judicibus nec non et litteris impetratis et impetrandis super premissis omnibus et singulis ab ordinario seu delegatis Judicibus seu ad ordinarios vel delegatos Judices Renunciaverunt et privilegio cruce signatorum et regie prohibitioni et constitutioni de duabus dietis et omni Juris remedio tam Civilis quam Canonici Tandem partibus presentibus die Jovis infra octav Epiphanie anno gratie Millesimo ducentesimo septuagesimo quarto in Ecclesia Cathedrali de Elgyn habito prudentium virorum consilio quorum nomina inferius sunt expressa dicti Arbitri in hunc modum sunt Arbitrati viz quod partes prenominate omnibus querelis petitionibus controversiis injurijs et dampnis omnibus et singulis renunciaverunt et dicti Prior et Conventus haberent libere omnes decimas totius terre sue pertinentes ad ecclesiam de Taruedal usque ad terminum octo annorum plenarie completorum termino incipienti ad Pentecosten anno gratie millesimo ducentesimo septuagesimo quinto Et quod dicti Prior et Conventus recipiant annuatim suis proprijs costis et expensis infra dictos octo annos in quolibet anno per dimidium annum dictum Magistrum Henricum cum duobus equis et duobus garcionibus et quod dictus Magister Henricus fidele patrocinium cum expensis eorundem prestaret et similiter serviet fideliter eisdem Priori et conventui quotiescunque servitio ipsius indiguerint usque ad terminum octo annorum plenarie completorum In cujus rei firmum testimonium huic scripto sigilla dictorum arbitrorum sunt apposita hijs testibus Domino Willielmo Decano Moraviensi Domino Waltero Sureys Officiali Moraviensi Domino Roberto vicario de Duffhus Domino Willielmo Priore de Pluscardyn et Domino Roberto de Bosyll com monacho suo et multis alijs
Source (click image below to view full size)
