Charter Document - 02000093
| Charter Number: | 02000093 |
|---|---|
| Cartulary Title: | The Acts of Welsh Rulers, 1120-1283 |
| Charter Language: | Latin |
| Charter Origin: | Lay |
| Charter Type(s): | Letter |
| Date: | 1277 |
| Date type: | Internal, A.D., Feast |
| Resource Link(s): |
|
Charter:
[U]niversis Cristi fidelibus presentes litteras visuris vel audituris Resus filius Mereduci salutem in domino Cum ad pacem domini Edwardi regis Anglie per dominum Paganum de Cadurciis capitaneum munitionis eiusdem domini regis in West Wallia ad nostram instantiam fuerimus reformati per certas conventiones inter dominum regem per predictum dominum Paganu[m] loco eiusdem domini regis et nos initas et concessas ad easdem conventiones omnes et singulas prout in littera reformationis pacis predicte continentur firmiter observandas tenore presentium nos obligamus quod si nos vel heredes nostri contra conventiones predictas aliquatenus venire presumpserimus omnes terre nostre quas de domino rege tenebimus vel eius heredibus nobis et nostris heredibus ipso facto perdite sint in perpetuum et forisfacto subicientes nos et heredes nostros iurisdictioni et cohercione ecclesie Romane et Cantuar[iensis] et episcopi nostri diocesani qui pro tempore fuerit qui nos auctoritate presentium absque alterius onere probationis pro voluntate predicti domini regis ad hoc compellant per sententiam excommunicationis interdicti et per omnem potestatem quam sacrosancta ecclesia in sibi rebelles una cum brachio seculari poterit exercere renuntiantes in hac parte omni appellationi cavillationi et omni iuris remedio per quod robur presentium aliquatenus posset infringi In cuius rei testimonium presenti scripto sigillum meum apposui Acta apud Kermerdin die dominica in quindena Pasche anno domini MCC septuagesimo septimo
Source (click image below to view full size)
