Charter Document - 02000085

[U]niversis Cristi fidelibus presentes litteras visuris vel audituris Howel filius Rys salutem in domino sempiternam Noverit universitas vestra nos nobili viro et karissimo domino nostro domino Lewelin[o] filio Griffin[i] pro terris ac possessionibus quas nobis liberaliter contulit videlicet Mab Elvyw et alias nostrum homagium ultro fecisse et nostram fidelitatem et nostrum homagium prestito corporali iuramento eidem iurasse quod si ab ipsius vel suorum heredum fidelitate vel bono servitio ad nos pertinente recesserimus concedimus et volumus nos et nostris in hoc consentientes ex tunc per venerabiles patres dominos episcopos Bangor et de Sancto Assaph sine dilatione aliqua promulgari et nos et nostros heredes insuper predictis terris ac omnibus aliis in Wall[ia] in perpetuum carituros et privandos In cuius rei testimonium nostrum sigillum hiis patentibus litteris nostris obligatoriis fecimus apponi Et predictos episcopos attentius exoramus ut sua sigilla presentibus apponant una cum nostro eaque que supra concessimus effectu mancipaturos si nos contigerit quod absit a premissis infideliter resilire Datum apud Kaer yn Arvon anno domini MCCL octavo dominica proxima ante assumptionem Beate Marie Hiis testibus Reso filio Griffin[i] Geron senescallo nostro Lewelino filio Rys Trahaearn filio Gruffin[i] Enn Parvo Howel filio Enn Gruffud Grach David et L filiis Kenan Iervasio et Iohanne notariis nostris et multis aliis Valete