Charter Document - 02000073
| Charter Number: | 02000073 |
|---|---|
| Cartulary Title: | The Acts of Welsh Rulers, 1120-1283 |
| Charter Language: | Latin |
| Charter Origin: | Lay |
| Charter Type(s): | Notification |
| Date: | 1274 |
| Date type: | Internal, A.D., Calendar |
| Resource Link(s): |
|
Charter:
Universis Cristi fidelibus ad quos presentes littere pervenerint Gruff filius Mereduci filii Owneni salutem in domino Ad universitatis vestre notitiam volumus pervenire quod cum esset lis mota super ecclesia de Landessul in curia Cant[uariensi] inter capitulum Men asserens dictam ecclesiam quoad ius et proprietatem ad ipsos pertinere ex parte una et nos vendicantes nobis ius patronatus in eadem ex altera nos spontanea voluntate pro nobis et heredibus nostris pacto modo conditione et aliis omnibus que spiritualia abhorrent reiectis liti supradicte penitus renuntiantes subiecimus nos ordinationi venerabilis patris domini R Men episcopi super ecclesia prenominata et iure quod vendicamus nobis in eadem promittentes nos sacramento corporaliter prestito fideliter observaturos quicquid per prefatum patrem venerabilem in premissis fuerit ordinatum Renuntiavimus etiam quoad premissa impetratis et impetrandis appellationibus exceptionibus cavillationibus et omni iuris remedio In cuius rei testimonium ac memoriam perpetuam sigillum nostrum presentibus litteris apponi fecimus Datum apud Trefeyn tertio kalendas novembris anno domini millesimo CCLXX quarto
Source (click image below to view full size)
