Charter Document - 02000071
| Charter Number: | 02000071 |
|---|---|
| Cartulary Title: | The Acts of Welsh Rulers, 1120-1283 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1273 |
| Date type: | Internal, A.D. |
| Resource Link(s): |
|
Charter:
Sciant presentes et futuri has litteras visuri vel audituri quod ego Owen[us] filius Maredut filii Oweni dedi et concessi et hac presenti carta mea confirmavi totum comotum Annvnuauc integrum cum omnibus suis pertinentiis et libertatibus tam in iure patronatus ecclesiarum quam in aliis in terra et in mari ac aliis liberis consuetudinibus Agarat filie Oweni uxori mee in liberum maritagium in omnibus terminis predicti comoti et finibus debitis suis tam in montibus quam nemoribus in pratis pascuis et pasturis aquis rivulis viis et semitis in terra arabili et non arabili in humido et scicco sibi et heredibus suis de me procreandis libere et quiete pacifice et sine ulla contradictione tenendum et habendum et etiam possidendum scilicet memoratum comotum Annunuac in Kardigant a dicta Agarad et suis heredibus de me et heredibus meis in eadem libertate in qua antea tenui comotum sepe dictum dans eidem Agarad et heredibus suis de me et concedens specialem potestatem ponendi et deponendi ballivos et omnes alios ministros in illo comoto sine consilio et licentia alicuius Et si contingat quod alienatio inter me et fratres meos vel aliquos alios coheredes meos fuerit vel terrarum transmutatio ita quod ipsa Agarat prefati comoti dominio et possessione plenaria gaudere non poterit ego Owen[us] tantam terram et equivalentem predicte Agarad et heredibus suis de me fideliter et mera voluntate lucrari promisi Si autem similiter per ecclesiam vel aliquo alio casu predictam Agarat a me separari contingat nichilominus comotus ille superius nominatus a predicta Agarad et heredibus suis procreatis de me erit possidendus istis tamen tribus casibus dumtaxat exceptis videlicet si sine herede de me procreato decesserit vel si ad religionem migraverit vel ab aliquo viro ducta fuerit in uxorem in quibus casibus sepe dictus comotus ab heredibus suis de me si sint erit possidendus sin autem sicut prius fuit antedictus comotus ad me revertetur Et ut hec mea donatio vel confirmatio stabilis rata et inconcussa in posterum perseveret presentem cartam sigilli mei munimine roboratam predicte Agarad dedi et concessi Hiis testibus Lewelino cappellano rectore de Killev G[ri]ffino rectore de Henvenev Lewelino cappellano vicario de Lanpadarn Tref Eglues G[ri]fino [et] Oweno filiis Adaf vaur G[ri]ffino parvo de Killev G[ri]ffino filio Ioruerth de Kefn Ycaerev et multis aliis Datum apud Lanpadarn Tref Eglues die martis proxima ante conversionem Beati Pauli anno domini MCCLXX tertio Ad hec ut predicta donatio et confirmatio super donatione predicti comoti predicte nepoti sue et heredibus suis de prenominato Oweno procreandis inposterum stabilis rata et inconcussa permaneat dominus L princeps Wallie presenti pagine sigillum suum fecit apponi Datum anno domini mcclxx tertio
Source (click image below to view full size)
