Charter Document - 02000043

Omnibus Cristi fidelibus ad quos presens scriptum pervenerit Thom[as] decanus A cancellarius E thesaurarius Hereford salutem in domino Ad vestram volutatis notitiam devenire quod lis mota inter Gervasiu[m] dominum Men ex una parte et Mailg filium Resi ex altera coram nobis a domino papa iudicibus delegatis super Lanandebery et Kenarthvaor et terris aliis per compositionem quievit cuius forma hec est Sciant presentes et futuri quod cum Gervasius Menev episcopus nobilem virum dominum Mailg filium Resi coram Th[oma] decano A cancellario et E thesaurario Hereford iudicibus a domino papa delegatis traxisset in causam nomine ecclesie sue petetis ab ipso Lanamdevery cum pertinentiis suis et Kenarth Vaor cum pertinentiis suis et alias terras in editione episcopi coram iudicibus proposita nominatas tandem lis inter ipsos mota tali fine conquievit videlicet quod dictus Mailg et Mailg filius suus et heres eius recognoverunt ius ecclesie Menev et episcopi in tota terra de Lanamdeveri cum pertinentiis et dictus episcopus de voluntate et consensu Mailg maioris recepit homagium predicti Mailg iunioris de terra illa tenenda de episcopo Men et de sua ecclesia per tale servitium scilicet quotiens episcopus Men per partes illas transitum fecerit dictus Mailg si voluerit episcopus salvum conductum illi prestabit in eundo et redeundo et eidem episcopo faciet procurationem suam in castello de Lanamzeuery sicut in suo adminus semel in anno et homines de tenemento illo ad summonitionem episcopi ibunt in exercitum suum sicut alii homines Sancti David Terram vero de Kennarth Vaor totam integre cum molendino et gurgitio et aliis pertinentiis reddiderunt prefati Mailg maior et Mailg iunior predicto [episcopo] ut ad ecclesiam Men pleno iure pertinentem et idem episcopus de voluntate Mailg maioris concessit Mailg iuniori ad vitam suam medietatem de molendino et de gurgitio et servitium filiorum Ivon et suorum de terra de Talebrin ita quod post vitam ipsius redeant ille medietates molendini et gurgitii et totum servitium de Talebrin ad manus episcopi sine qualibet reclamatione et impedimento integre quiete et solute De terris aliis in predicta editione nominatis scilicet Maynor Teiui Lanarthayron Garehely Merthirgcionan Penbeyr Kenartvech[a]n Cledey Lansuluet Lanechren in Guenouit Aberguemi Trefgoithel Eglois Goithir et toto commod de Est[r]iat preter terras quas ipse episcopus tenet in Est[r]iat in omnibus hiis terris cum earum pertinentiis secundum divisas in graphio Sancti David assignatas similiter recognoverunt sepedicti Mailg maior et Mailg iunior ius episcopi et ecclesie Menev et easdem episcopi episcopo et ecclesie Menev restitutas per manum episcopi recepit Mailg iunior de consensu patris sui ad totam vitam suam tenendas de episcopo Menev reddendo inde annuatim episcopo unum espervarium in villa Sancti David de Kenarth Vaor ad festum Sancti Petri ad vincula Ut igitur compositio ista perpetuum stabilitatis robur optineat presenti scripto cyrographato sigillis partium mutuo appensis est confirmata Actum anno gratie millesimo CCXX secundo Hiis testibus de Alba Landa et de Thalelech abbatibus I priore de Brechon H archidiacono Men magistro W de Capella magistro Mathia canonico Menev Ph[ilipp]o de Lanuays A filio Ithayl magistro Thoma Briton Rog[er]o de Burth Walt[er]o de Brech clerico Aaron filio Resi Lewlino filio Cradauc filii Eniau[n] Vossalin filio Gug Owein lilio Eniaun Will[elm]o Coch et multis aliis