Charter Document - 02000009

Notum sit tam presentibus quam futuris quod ego Cadewallaunt filius Hewel vendidi monachis de Stradmarchell pro octo libris argenti in liberam et quietam et perpetuam possessionem istas terras in omnibus terminis suis et pertinentiis scilicet Pennanbacho et Deffrenm[er]thir et Cumlluit et Cumbuga in omnibus terminis suis similiter et dimidietatem Deupiu et dimidietatem Escoruaur et dimidietatem terre tam in bosco quam in plano ab Aranell usque ad Redhouoch insuper et Ab[er]bredwen et Reucanesseit Volo igitur ego prefatus Cadewallaun ut prefati monachi omnes predictas terras et pasturas libere et quiete bene et in pace et sine aliqua exactione vel consuetudine seculari iure perpetuo possideant in bosco videlicet in plano in aquis in viis in pratis in molendinis in pasturis et in omnibus usibus suis et utilitatibus Dedi insuper et concessi predictis monachis pro prenominato precio omnes pasturas infra terminos Arwistili scilicet ab Hauren versus Powis iure perpetuo bene et in pace libere et quiete possidendas Et quia presens etas prona est ad malum unde sibi conatur extorquere lucrum hanc meam predictam venditionem tam sigilli mei impressione quam bonorum virorum attestatione munivi et coroboravi His testibus Gurgeneu priore de Cumhir Philippo monacho de Alba Domo Kediuor monacho de Str[ad]flur Seisil monacho Kediuor Crec Kediuor filio Griffud Madoco filio Yeuuaf conversis de St[ra]dmarchell Hoideleu decano Laurencio sacerdote Meuric filio Morgant Meiler filio G[ri]ffud Peredur filio Ioruerth Kadugano filio G[ri]ffud Facta est autem hec mea predicta venditio apud Llana[m]deueri in manu I prioris de St[ra]dmarchell anno videlicet ab incarnatione domini MCCVI