Charter Document - 02000008
| Charter Number: | 02000008 |
|---|---|
| Cartulary Title: | The Acts of Welsh Rulers, 1120-1283 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1198 |
| Date type: | Internal, A.D. |
| Resource Link(s): |
National Library of Wales - Ystrad Marchell charter GT18 |
Charter:
Universis sancte matris ecclesie filiis presentibus et futuris qui presentem cartam inspexerint Howel filius Howeli salutem et pacem bonam Notum facimus universitati vestre nos dedisse et concessisse et presenti carta confirmasse Deo et Beate Marie et monachis de Stradmarhel terram que vocatur Cumluit in puram et perpetuam elemosinam liberam ab omni debito et actione tam seculari quam ecclesiastica in omnibus finibus suis et terminis et pertinentiis in bosco et plano in culto et in inculto in pratis et pasturis in moris et aquis in piscaturis et piscationibus et in omnibus usibus et utilitatibus super eandem terram et subter pro remedio et salute anime mee et patris et matris et antecessorum et successorum meorum sicut ante me Katwaladyr frater meus dedit et sigillo suo confirmavit etiam suscepto precio quindecim marcarum a prefatis monachis de Stradmerhel Isti autem sunt termini eiusdem donationis a loco qui dicitur Pennan Bacho usque ad fluvium qui dicitur Luyt et ex utraque parte eiusdem fluvii in omnibus terminis suis et pertinentiis Facta est vero ista donatio anno ab incarnatione domini MC nonagesimo VIII Huius igitur donationis testes sunt Madocus filius Grifini Morgant filius Ris Lowelin filius Rodri Ioab filius Maredut Gorony filius Keldelu David filius Iacob Madocus filius Owini
Source (click image below to view full size)
