Charter Document - 01999080
| Charter Number: | 01999080 |
|---|---|
| Cartulary Title: | Charters of the Abbey of Coupar Angus |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1165 - 1214 |
| Date type: | Assigned |
| Resource Link(s): |
Reference Document for this Embedded Document People of Medieval Scotland |
Charter:
Willelmus Dei gracia Rex Scottorum episcopis abbatibus comitibus baronis justiciariis vice comitibus prepositis ministris et omnibus probis hominibus tocius terre sue clericis et laicis salutem Sciatis me dedisse concessisse et hac carta mea confirmasse Deo et beate Marie de Cupro et monachis et fratribus ibidem Deo seruientibus et seruituris ut liberi et quieti sint per totam terram meam ab omni tolnagio et passagiis et mercatibus et omnibus alijs consuetudinibus et liberam potestatem habeant uendendi et emendi per totum regnum meum omnia quibus opus habuerint ad sustentationem et utilitatem domus sue Quare uolo et firmiter precipio ut nemo eis molestiam uel grauamen uel iniuriam super huiusmodi libertate et concessione mea inferre audeat uel pacem meam quam plenaria eis dedi infringat super meam plenarium foris facturam set eandem pacem habeant omnis grangie sue quam habet abbacia de Cupro Preterea uolo et precipio ut ubicumque bona ipsorum furto ablata uel per uiolentiam detenta uel a proprijs monachis uel conuersis sine licencia asportata fuerint inuenta balliui mei in quorum balijs ipsa bona sunt eis faciant ea restitui sine disturbacione Preterea concedo eis et hac carta mea confirmo ut nemo eos uel homines suos possit na mare pro aliquo debito uel clamo nisi prius eis defecerint de iusticia in curia sua super plenarium meam foris facturam Testibus Engelramo cancellario Willelmo de Lyndesey Johanne de Uallibus Lyulfo filio Machus Willelmo de Haija Apud Jedewrth