Charter Document - 01994127
| Charter Number: | 01994127 |
|---|---|
| Cartulary Title: | Charters of the Abbey of Coupar Angus |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1218 - 1246 |
| Date type: | Assigned |
| Resource Link(s): |
People of Medieval Scotland |
Charter:
Vniuersis [] Gregorius [] brechinensis episcopus [] salutem Nouerit uniuersitas uestra nos concessisse et hac carta nostra confirmasse deo et ecclesie sancte marie de Striuelin et canonicis ibidem deo seruientibus et seruituris in liberam et puram et perpetuam elemosinam Ecclesiam de Glenylif cum terris et decimis et oblacionibus et omnibus ad eandem ecclesiam iuste pertinentibus Concessimus etiam ut predicte ecclesie redditus et prouentus uniuersos ad suam sustentacionem in usus proprios conuertant prefati canonici et ut liceat eis capellanos et clericos idoneos in eadem ecclesia instituere Concessimus eciam illis pietatis intuitu pro illorum paupertate quod cum nos et aliquis successorum nostrorum ecclesiam illam uisitare uenerimus non amplius quam xij equos apud illam hospitaturi duximus uolumus itaque ut iam dicti canonici prefatam ecclesiam cum omnibus ad illam iuste pertinentibus adeo libere et quiete plenaria et honorifice possideant sicut Radulfi et Hugonis pie recordationis predecessorum nostrorum carte testantur Testibus magistro Henrico de Munros Willelmo capellano de brechin iohanne clerico malcolmo de dunkeldyn et multis aliis