Charter Document - 01991097
| Charter Number: | 01991097 |
|---|---|
| Cartulary Title: | Charters of the Abbey of Coupar Angus |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1314 - 1320 |
| Date type: | Assigned |
| Resource Link(s): |
People of Medieval Scotland |
Charter:
Omnibus [] Ego Johannes de Inchemartyne dominus de eadem Salutem in domino sempiternam Noueritis me pro salute anime mee et pro salute animarum bone memorie domini Johannis de Inchemartyne patris mei et domine Johanne matris mee et quondam domini Henrici de Inchemartyne fratris mei ac omnium antecessorum meorum et successorum consensu et voluntate Johannis Cambrun domini de Balgligornacho dedisse [] deo et beate marie de Cupro et monachis [] in liberam puram et perpetuam elemosinam totam terram meam de murthyly in mar per suas rectas diuisas cum omnibus pertinenciis suis placitis et querelis libertatibus et aysiamentis ad dictam terram spectantibus uel de jure spectare valentibus ad quatuor annuas pitancias conuentui de Cupro faciendas videlicet diebus ascensionis domini Pentecostes Sancte Trinitatis et Natiuitatis beate marie virginis Quam quidem terram quondam Johannes cum Christiana filia sua dedit bone memorie domino Alexandro de Inchemartyne auo meo in liberum maritagium Tenendam [] adeo libere [] Ego vero Johannes de Inchemartyne et heredes mei predictam terram de Murthuly cum omnibus suis pertinenciis [] warantizabimus et de omni seruicio [] acquietabimus et defendemus In cuius rei testimonium presenti carte Sigillum meum apposui et ad maiorem firmitatem sigillum dicti Johannis cambrun domini de Balgligernache in signum confirmacionis sue pro se et heredibus suis huic carte apponi procuraui Hiis testibus [] dominis Willelmo et Henrico [] de Melros et de Scona Abbatibus dominis Gilberto de Haya tunc constabulario Scocie Jacobo de Lyndesay et Malcolmo de Innerpefry militibus Adam de Glenbachlach Willelmo de mortuo mari Schyrole de Dery et multis aliis