Charter Document - 01991047
| Charter Number: | 01991047 |
|---|---|
| Cartulary Title: | Charters of the Abbey of Coupar Angus |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1237 - 1263 |
| Date type: | Assigned |
| Resource Link(s): |
People of Medieval Scotland |
Charter:
Omnibus [] Willelmus de le hay dominus de Admur salutem in domino sempiternam Sciant [] me pro salute anime mee et pro salute animarum antecessorum et successorum meorum dedisse [] deo et beate marie de Cupro et monachis [] unam carucatam terre in feodo de Erole ex parte australi grangie dictorum monachorum in carse que vocatur le murhouse quam bone memorie Dauid de le hay Dominus de Erole frater meus pro homagio et seruicio meo michi dedit Tenendam et habendam dictis monachis et successoribus suis a me et heredibus meis et assignatis in puram et perpetuam elemosinam adeo libere [] sicut aliqua terra elemosina ab aliquo barone in regno scocie liberius [] dari potest haberi vel teneri cum omnibus libertatibus et aisiamentis ac iustis pertinentiis ad dictam terram spectantibus et de iure siue de consuetudine spectare valentibus quomodo libet in futurum cum libero introitu et exitu et cum omni pastura more mee de Admure una cum omnimodis aisiamentis eiusdem more tam non nominatis quam nominatis absque quacunque contradiccione uel perturbacione heredum seu assignatorum meorum diuise autem dicte terre incipiunt iuxta terram Rogeri filii baldredi et ita se extendunt iuxta Erol usque ad diuisas de Inchmichal [] ad diuisas thome de le hay et a communi pastura de Admur usque ad magnam lapidem que iacet in layis et sic ultra illam lapidem usque ad eiusdem [] quas quidem diuisas dictus dauid frater meus die quo dictam terram mihi dedit cum probis hominibus suis perambulauit Ego vero dictus Willelmus de le hay et heredes mei et assignati prenominatam terram cum libero introitu et exitu et cum omnimodis aisiamentis more mee de admur ut predictum est predictis monachis et successoribus suis [] warantizabimus et de omni seruicio exaccione et seculari demanda et de quibuscunque oneribus que de dicta terra per me uel heredes meos seu assignatos quocunque modo exigi poterunt uel requiri acquietabimus et inperpetuum defendemus Et vt hec presens donacio mea et concessio robur perpetue firmitatis obtineat sigillum meum et [ad] ampliorem euidentiam sigillum domini gilberti de le hay domini de Erole mutuo sunt appensa De cuius quedam carte copia et tenore prefatus dominus abbas per me notarium publicum subscriptum sibi fieri peciit publicum instrumentum Acta erant hec in monasterio de Cupro anno die [] prescriptis presentibus nobili viro patricio de ogilby filio domini Walteri de ogilby militis domini de luntrethyn johanne skyrlyn et johanne de blar scutiferis et magistro waltero bard magistro in artibus cum aliis testibus []