Charter Document - 01991010

Uniuersis [] Adam filius Abrahe de Lur salutem Sciant presentes et posteri me dedisse [] Dauid ruffo de forfar et heredibus suis quos de uxore susceperit sibi desponsata kynerey que fuit Ede eum suis rectis diuisis et ad incrementum quandam partem territorii de Lur per istas diuisas scilicet Ex occidentali parte magne vie que ducit de Innerarecthyn ad forfar usque ad diuisas inter Lur et Mathyn ubi quidam fons oritur et sicut riuulus qui exit de illo fonte descendit in Gethin et sicut Gethyn descendit in Kerbee et ex australi parte ubi quidam alius fons oritur qui est diuisa inter Lur et Innerarethin et sicut riuulus qui exit de eodem fonte descendit in Kerbec Totam hanc terram de kynerey cum suis rectis diuisis et prefatam terram territorij de Lur ad incrementum datam per suas prenominatas diuisas tenebunt Dauid et predicti heredes sui de me et heredibus meis in perpetuum In planis et pratis [] libere [] ab omni consuetudine et exactione et seculari demanda cum communi pastura de Lur reddendo mihi et heredibus meis annuatim duas marcas argenti et dimidiam scilicet vnam marcam et xl denarios ad pentecosten et vnam marcam et xl denarios ad festum sancti martini Et faciendo forinsecum seruicium domini Regis quantum pertinet ad vnam dauach de kynerey et quantum pertinet ad decimam partem duarum dauacharum in Lur Et per hanc annuam solucionem duarum marcarum et dimidie et forinseci seruicii domini Regis sicut dictum est liberi et quieti erunt ipse Dauid et heredes sui in perpetuum ab omnimodo alio seruicio et auxilio et consuetudine et exactione et seculari demanda que a me et heredibus meis de predicto Dauid et heredibus suis de predictis terris aliquo iure communi uel priuato exigi poterint Salua mihi et heredibus meis sede molendini mei quod in congruenciori et utiliori loco predicte terre ex illa parte riuuli qua nunc sedet scilicet uersus forfar pro meo arbitrio poni debet Preterea secundum quod predictus Dauid et heredes sui prenominati et homines eorum bladum suum prefate terre de kyncrey et bladum prefati incrementi de territorio de Lur ad prefatum molendinum cum multura molent si eis placuerit Sin autem quicquid uoluerint faciant de ipso blado sine omni disturbacione et exaccione multure Et ne aliqua contencio possit oriri inter nos uel homines nostros concessi predicto Dauid et heredibus suis predictis omnem diem martis cum nocte sequenti ad molendinum si velint ad predictum molendinum nullo alio cum ipsis concertante nec aliquid opus aut auxilium quod ad predictum molendinum pertineat facere cogentur Et si aliqua querela orta fuerit aduersus homines Dauidis uel heredum suorum ipsa querela tractari et determinari debet in curia mea et heredum meorum in territorio de Lur Et ipse Dauid et heredes sui iam dicti habebunt dimidium foris facture hominum suorum et ego dimidium et heredes mei Et si aliqua querela orta fuerit inter homines Dauidis et heredum suorum tractari et determinari debet in curia sua et heredum suorum Et ipse Dauid et heredes sui habebunt totum foris facturum hominum suorum Quod si ipsa querela uenerit ad me per defectum ipsius Dauidis uel heredum suorum tractari et determinari debet in curia mea de Lur et ipse Dauid et heredes sui habebunt dimidium foris facture hominum suorum Et ego et heredes mei aliud dimidium Hanc autem donacionem feci Dauidi et heredibus suis illis videlicet tantum quos de uxore susceperit sibi desponsata Si uero contigerit quod heredem de sponsa ipsa non susceperit concessi et liberam potestatem dedi prefato Dauid donandi idem tenementum deo et Ecclesie beate marie de Cupro in perpetuum et monachis ibidem deo seruientibus cum omnibus predictis libertatibus et aysiaments in hac carta prescriptis et prenominatis salua suprascripta firma mea et forinseco seruicio domini Regis et salua sede et ductu aque molendini mei Ego autem et heredes mei manu tenebimus et warantizabimus Dauidi et heredibus suis scilicet quos de propria sponsa susceperit Sin autem monachis prenominatis terram predictam de kynerey eum supranominato incremento territori de Lur cum prenominatis diuisis Hiis testibus Rogero episcopo Sancti Andree Radulfo Episcopo de brechyn Ranulf Archidiacono Sancti Andree Comite Duncano Comite Gilbertus Comite Gilchrist de Anegus Philippo Ualoniis Camerario Willelmo Cumyn Johannes decano de Anegus Dauide de la hay Willelmo de muhauch Stephano de blar Allexandro persona de Mualt Malcolmo de ketenes Willelmo clerico Regis de forfar Thoma de Lundin Michaele de Migyl Edwardi persona de neuet Randulfo Capellano Rogerus de Bello Randulfo de La haye Roberto de Lorimer Dauide filio hutredi clerico de perth Willelmo et Jacobo fratribus eius Dauide filio Gaufridi filii martini de perth et henrico fratre eius jacobo filio ketelli de perth Cospatricio filio ricolot preposito de forfar Adam filio aldredi et Ricardo fratre eius Adam albo de forfar Nicholao de Bennochin Willelmo de migyl fratre prioris de Cupro Ricardo et Adam filiis eius et multis aliis