Charter Document - 01990100
| Charter Number: | 01990100 |
|---|---|
| Cartulary Title: | Charters of the Abbey of Coupar Angus |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1319 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gracia rex Scottorum omnibus probis hominibus tocius terre sue salutem Sciatis nos pro salute anime nostre et pro salute animarum omnium antecessorum et successorum nostrorum dedisse concessisse et hac presenti carta nostra confirmasse Deo et beate Marie virgini et monasterio de Cupro ac monachis ibidem Deo seruientibus et inperpetuum seruituris terras de Aythnacathyl et de Blarerouthnak infra thaynagium nostrum de Alyth per omnes rectas metas et diuisas suas Tenendas et habendas eisdem religiosis et eorum successoribus inperpetuum de nobis et heredibus nostris in liberam puram et perpetuam elemosinam Inueniendo tamen dicti monachis et eorum successores pro nobis et successoribus nostris perpetuo vnum cereum ponderis trium librarum cere ante altare beati Malachie dedicatum infra dictum monasterium in honorem eiusdem sancti ita quod idem cereus ardeat ad omnes vesperas et matutinas missasque conuentuales perpetuo cantandas et celebrandas infra dictum monasterium suum et nihilominus inueniendo vnam lampadem ante idem altare in honorem eiusdem sancti pendentem et die ac nocte incessanter ardentem cum lumine sufficienti Volumus igitur quod preter premissa et preter orationum suffragia deuotarum per nos aut successores nostros de dictis terris nichil omnino exigatur set quod libere sint ab omnimoda seculari exaccione consuetudine seu demanda In cuius rei testimonium presenti carte nostre sigillum nostrum precepimus apponi Testibus venerabilibus patribus dominis Willelmo et Nicholao ecclesiarum Dunkeldensi et Dumblanensi Dei gracia episcopis Bernardo abbate de Abirbrothoc cancellario nostro Gilberto de Haia constabulario nostro Roberto de Keth marescallo nostro Dauid de Breychyn et Willelmo Olifant militibus Apud Abirbrothoc octauo die Februarii anno regni nostri tercio decimo