Charter Document - 01990096

Uniuersis [] Fergusius [] abbas de Cambuskyneth et eiusdem loci Conuentus humiliter salutem in domino sempiternam vniuersitati uestre notum facimus quod cum jus patronatus Ecclesie de Glenylef cum terris et aliis omnibus rectitudinibus ad ipsam Ecclesiam de Glenylef spectantibus per inclite memorie dominum Willelmum dudum Regem Scottorum illustrem monasterio de Cambuskyneth et Canonicis ibidem deo seruientibus in liberam et perpetuam elemosinam caritatis intuitu fuerit collatum et deinde per [] dominum Gregorium bone memorie episcopum Brechynensem ipsius loci dioecesanum pensio annua decem librarum sterlingorum in ipsa Ecclesia monasterio nostro predicto et nobis fuerit assignata fueritque in solucione seu prestacione ipsius pensionis iam per aliquos annos cessatum non sine dampno nostro et monasterii nostri memorati Tandem per consilium et ordinacionem amicorum communium assensu etiam [] domini Johannis [] tunc brechynensis Ecclesie episcopi accedente vtilitatem et quietem monasterii nostri et eciam monasterii de Cupro in angus cui dicta ecclesia de Glenylef est uicina affectancium quorum consilium et ordinacionem approbauimus et suscepimus predictum jus patronatus cum terris et aliis omnibus rectitudinibus ad prefatam ecclesiam de Glenylef spectantibus et omne jus quod in premissis habuimus vel occasione ipsorum habere potuimus sponte et pure eisdem abbati et conuentui de Cupro concessimus et plene transtulimus in eosdem Salua tamen monasterio nostro predicto et nobis annua pensione decem librarum in ecclesia ipsa de Glenylef ad cuiuscunque seu quorumcunque manus deueniat in posterum per predictos abbatem et conuentum de Cupro eorum sumptibus et periculo nobis seu nostro procuratori in domo fratrum predicatorum de perth singulis annis ad duos anni terminos videlicet medietatem ad festum Pentecostes et aliam medietatem ad festum sancti martini in hyeme integre et sine dilacione seu excusacione persoluenda Primo termino solucionis incipiente in festo Pentecostes proximo future Hoc inter predictos abbates et eorum conuentus specialiter acto et conuento quod si contingat predictos abbatem et conuentum de Cupro in solucione dicte pensionis dictis terminis seu eorum aliquo ex causa manifesta et euidenti non impeditos ultra octo dies quod absit deficere obligant se et omnia bona sua presencia et futura mobilia et immobilia ad ministrandum seu inueniendum procuratori predictorum abbatis et conuentus de Cambuskyneth expensas sufficientes pro tempore quo ipsam solucionem eum contigerit expectare Et nichil omnino ad soluendum singulis septimanis quibus ipsos in solucione alicuius termini cessare contigerit fabrice ecclesie Dunblanensis dimidiam marcam nomine pene supponentes se quantum ad hec iurisdictioni seu cohercionis domini Episcopi Dunblanensis Renunciantes in hoc facto omnibus priuilegiis ordini Cisterciensi seu abbati et conuentui de Cupro concessis vel in posterum concedendis per que presens conuentio infirmari poterit in futurum In quorum omnium testimonium seu probacionem parti huius scripti in modum chirographi confeci penes abbatem et conuentum de Cupro remanenti sigillum commune capituli de Cambuskyneth vna cum sigillo [] dominorum Johannis [] brechynensis episcopi supradicti et domini Nicholai [] Dunblanensis episcopi est appensum Parti vero penes prefatos abbatem et conuentum de Cambuskyneth remanenti sigillum commune monasterii de Cupro vna cum sigillo predictorum dominorum Brechynensis et Dunblanensis episcoporum est appositum Actum conuentum et datum apud sanctum Andream duodecimo die mensis septembris Anno ab incarnacione domini millesimo Trecentesimo vndecimo