Charter Document - 01990091
| Charter Number: | 01990091 |
|---|---|
| Cartulary Title: | Charters of the Abbey of Coupar Angus |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1305 - 1317 |
| Date type: | Assigned |
| Resource Link(s): |
People of Medieval Scotland |
Charter:
Omnibus [] Willelmus de Fentona miles salutem [] Noueritis me pro salute anime mee et pro salute anime bone memorie domini Johannis de Fentona patris mei necnon et pro salute animarum omnium antecessorum et successorum meorum dedisse [] abbati et conuentui de Cupro et eorum hominibus liberum transitum sine impedimento cum bonis suis in terris meis per omnes vias et semitas per quas homines mei transierint Volo etiam et concedo pro me et heredibus meis et assignatis quod si forsitan ipsi uel homines eorum foris fecerunt infra terram meam uel amerciati fuerunt in curia mea quod ipsorum amerciamenta seu foris facture eisdem uiris religiosis quieta remaneant sine calumpnia alicuius uel contradictione Ita tamen quod principale delictum secundum visum communium amicorum ex vtraque parte electorum emendetur Et ut hec mea donacio concessio et confirmacio firma sit et perpetua presenti scripto sigillum meum feci apponi [] Hiis Testibus [] dominus Nicholao et Johanne Dunblanensi et Brechenensi Episcopis [] domino Henrico Abbate de Scona dominis Alexandro de Abirnethy Johanne de Inchemartyn et Johanne de Fentona filio meo primogenito et herede militibus Rogero de mortuo mari et multis aliis