Charter Document - 01990090
| Charter Number: | 01990090 |
|---|---|
| Cartulary Title: | Charters of the Abbey of Coupar Angus |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1306 - 1314 |
| Date type: | Assigned |
| Resource Link(s): |
People of Medieval Scotland |
Charter:
Omnibus [] Johannes de Inchemartyn dominus de eadem [] salutem Noueritis me pro salute anime mee et pro salute animarum bone memorie domini Johannis de Inchemartyn patris mei et domine Johanne matris mee et quondam domini Henrici de Inchemartyn fratris mei ac omnium antecessorum et successorum meorum dedisse [] Abbati et Conuentui de Cupro et eorum hominibus liberum transitum sine impedimento cum bonis suis in terris meis et in terris heredum meorum seu assignatorum per omnes vias et semitas per quas homines mei vel homines heredum meorum seu assignatorum transierint Volo etiam et concedo pro me et heredibus meis et assignatis quod si forsitan ipsi uel homines eorum foris fecerunt infra terram meam uel amerciati fuerunt in curia mea quod ipsorum amerciamenta seu foris facture eisdem uiris religiosis quieta remaneant sine calumpnia alicuius uel contradictione Ita tamen quod principale delictum secundum visum communium amicorum ex vtraque parte electorum emendetur Hanc autem donacionem [] Ego predictus Johannes de Inchemartyn et heredes mei predictis Abbati et Conuentui [] warantizabimus [] Et hec omnia dicti Abbas et Conuentus pro se et suis successoribus mihi et heredibus meis perpetuo concesserunt Vt autem hec mea donacio [] firma sit et perpetua ego Johannes antedictus pro me et heredibus meis presenti scripto sigillum meum apposui Hiis testibus [] dominis Willelmo et Nicholao Sancti Andree et Dunblanensi episcopis dominis Dauid Comite Atholie Alexandro de Abirnethy et Willelmo de monte fixo militibus Rogero de mortuo mari Dauid de blair et multis aliis