Charter Document - 01990088
| Charter Number: | 01990088 |
|---|---|
| Cartulary Title: | Charters of the Abbey of Coupar Angus |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1306 - 1314 |
| Date type: | Assigned |
| Resource Link(s): |
People of Medieval Scotland |
Charter:
Omnibus [] Ego Michael de Miggil dominus de eadem salutem Noueritis me pro salute anime mee et pro salute bone memorie domini Symonis de miggil [patris] mei et domine christiane matris mee [et pro sa]lute animarum omnium antecessorum et successorum meorum dedisse [] abbati et conuentui de Cupro et eorum hominibus liberum transitum sine impedimento cum bonis suis [in terris] meis et in terris heredum meorum seu assignatorum per omnes vias et semitas per quas homines mei vel homines heredum [meorum] seu assignatorum transierunt Volo eciam et concedo pro me et heredibus meis et assignatis quod si forsitan ipsi uel homines eorum foris fecerunt infra terram meam uel amerciati fuerunt in curia mea quod ipsorum amerciamenta seu foris facture eisdem uiris religiosis quieta remaneant sine calumpnia alicuius uel contradictione Ita tamen quod principale delictum secundum visum communium amicorum ex vtraque parte electorum emendetur Hanc autem donacionem [] ego Michael de Miggil [dominus de eadem et] heredes mei predictis abbati et conuentui [] [warantizabimus] [] Et ut hec mea donatio [] firma sit et perpetua pro me et heredibus meis presenti scripto sigillum meum apposui Hiis testibus [] Dominis Willelmo et Nicholao sancti andree et Dunblanensi episcopis Dominis Dauid Comite [de A]tholie alexandro de Abirnethy et Willelmo de monte fixo militibus Rogero de mortuo mari Dauid de Blair [et mul]tis aliis