Charter Document - 01990082
| Charter Number: | 01990082 |
|---|---|
| Cartulary Title: | Charters of the Abbey of Coupar Angus |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1305 |
| Date type: | Assigned |
| Resource Link(s): |
People of Medieval Scotland |
Charter:
Omnibus [] Willelmus de haya dominus de Athmoris salutem in domino Nouerit uniuersitas uestra me pro anima Johannis patris mei Et Petronille matris mee et pro salute anime mee et Isabelle sponse mee et pro animabus omnium antecessorum et successorum meorum dedisse [] deo et Ecclesie beate marie de Cupro et monachis [] locum pro duobus crouis ponendis et habendis super litus aut sabulum aque de They Inter diuisas terre mee de athmoris et terre de Polgauy ex una parte et terre de Randalfston ex altera cum crouis meis propriis aut cum crouis hominum meorum ad uoluntatem ipsorum religiosorum utrum videlicet latus ad latus cum crouis meis propriis esse voluerint aut inter crouos hominum meorum Concedo etiam eisdem monachis fratribus suis conuersis et eorum hominibus ac seruientibus liberum transitum per terram meam de athmoris per omnes vias et semitas per quas homines mei transierint aut transire consueuerunt ad dictos crouos ponendos piscandos amouendos et mutandos quociens sibi viderint expedire et iterum reponendos sine calumpnia cuiuscumque necnon et alia bona sua quecumque carianda et trahenda de aqua de They per terram meam predictam ad grangiam suam de Carso et de ipsa grangia inferius ad aquam eandem quociens necesse habuerint exceptis bladis meis et pratis quibus si transeundo dampnum aliquod intulerint Ad visum proborum sufficienter emendabitur Hanc autem donacionem meam tenebunt predicti monachi de me et heredibus meis in puram et perpetuam elemosinam ita libere [] Preterea cum dicti monachi michi ut fratri sui capituli in vita mea quam in morte in omnibus missis suis et oracionibus ac etiam in vniuersis aliis suis bonis operibus spiritualibus plenam participacionem gratis concesserint ego Willelmus de Haya sanus corpore et mente compos ordino Et ad hoc obligando me per presentes collego corpus meum sepeliendum in Capitulo ipsorum monachorum de Cupro vbicunque ex parte boriali aque de Forth mors mihi diem clauserit extremum Nullo testamento meo alias condito aut quouis modo contraualente In cuius rei testimonium presenti carte sigillum meum apposui Hiis testibus [] domino Willelmo [] Episcopo Sancti Andree domino Johanne de haya rectore ecclesie de Erol dominijs gilberto de Haya domino de Erol Johanne de Inchemartyn Johanne Cambrun de Balligyrnach militibus Thoma de Haya filio meo et herede Edmundo de le leys et multis aliis