Charter Document - 01990081
| Charter Number: | 01990081 |
|---|---|
| Cartulary Title: | Charters of the Abbey of Coupar Angus |
| Charter Language: | Latin |
| Charter Origin: | Religious |
| Charter Type(s): | Memorandum |
| Date: | 1305 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Memorandum quod anno gracie MCCC quinto die veneris proxima ante festum Natiuitatis beate marie virginis frater Alanus abbas de Cupro et eiusdem loci conuentus concesserunt domino Gilberto de Haya domino de Erol et heredibus suis ad supplicacionem dicti domini Gilberti quemdam fluxum aque qui dicitur flodeyeth a stangno molendini sui currentem super terram dictorum abbatis et conuentus per kipam pendentem que est in regione dicti molendini Ita videlicet quod dictus fluxus aque siue flodeyeth latius seu largius vel ulterius versus aquilonem nullis futuribus temporibus deducatur qua die confectionis presencium sicut predictum est eisdem fuerat concessum In cuius Rei testimonium parti huius scripti in modum cirographi confeci penes dictos abbatem et conuentum residenti appensum est sigillum dicti domini Gilberti una cum sigillo Nicholai de Haya filii sui primogeniti et heredis Parti vero penes dictum dominum Gilbertum remanenti appositum est sigillum dictorum abbatis et conuentus
Source (click image below to view full size)
