Charter Document - 01990073

Omnibus [] Adam de Glenbachlach dominus de eodem salutem in domino Nouerit vniuersitas vestra me ex mera et spontanea voluntate mea et deuocione pro salute anime mee et Ade de Glenbachlach aui mei et animarum omnium antecessorum et successorum meorum dedisse concessisse et per cartam meam quam inde habeat et etiam per presens scriptum confirmasse deo et beate Marie de Cupro et Monachis [] Totam terram meam de Drummy in tenemento de Glenbachlach in puram liberam et perpetuam elemosinam cum omnibus iuribus libertatibus pertinentiis diuisis et aysiamentis [] et cum libero transitu eorundem et hominum suorum cum bonis et aueriis suis per terras meas quociens indiguerint seu uoluerint Remisi etiam eisdem monachis et remitto pro me et heredibus et assignatis foris facturam suam et hominum suorum si forsitan contingat ipsos uel ex ipsis aliquem infra terram meam forisfacere uel in curia mea amerciari dum tamen super principali delicto legalis fiat emenda Et cum omnibus aliis articulis libertatibus et aysiamentis tam in predicta carta mea nominatis quam non nominatis pacifice et honorifice quiete et libere in omnibus prout predicta carta mea ex hoc confecta in se plenius continet et testatur seu sicut aliqua terra in regno scocie liberius [] ab aliquo monasterio tenetur seu possidetur Ita quod nec ego nec heredes mei uel assignati aliquid ab eisdem viris religiosis occasione dicte terre aliquo tempore quoquomodo exigere poterimus in perpetuum nisi tantum preces et suffragia oracionum Promittens fideliter et sine fraude pro me et heredibus meis et assignatis quod dictos viros religiosos super dicta terra uel aliqua sui parte cum pertinenciis suis nunquam inquietabimus vexabimus uel grauabimus nec eos inquietari vexari uel grauari procurabimus per nos nec per aliquos de nostris nec per aliquos alios nec contra eos questionem uel mentionem super hoc aliquo tempore mouebimus seu mouere attemptabimus in foro ecclesiastico uel ciuili sub pena centum librarum sterlingorum nomine expensarum dampnorum et interesse si contra predictam cartam meam et presens scriptum uel aliquem articulum in eisdem contentum me seu heredes uel assignatos meos in aliquo contrauenire seu contrauenire attemptare contigerit aliquo tempore quod absit Predicta carta mea et presenti scripto nihilominus in suo robore in perpetuum duratur Et ad hec omnia premissa sine dolo uel malo ingenio facienda obligo me et heredes meos et assignatos et omnia bona nostra mobilia et immobilia ubicumque fuerint inuenta per predictos religiosos seu ipsorum balliuos aut attornatos nulla licentia petita a quibuscunque ministris regis seu aliis quibuscunque fore capienda et distringenda et tandiu penes eosdem uiros religiosos periculo tantum mea aut heredum seu successorum meorum quos contra presentem meam donacionem venire contigerit detinenda et occupanda donec sibi predicta summa centum librarum sterlingorum nomine expensarum dampnorum et interesse prout dictum est plenaria soluatur nullo proponendo obstante Subiciens me et heredes meos et assignatos iurisdictioni et cohercioni domini decani ecclesie Dunkeldensis et ordinariorum eiusdem ecclesie qui pro tempore fuerint quod ipsi uel eorum aliquis uel aliqui qui super hoc fuerint uel fuerit requisiti uel requisitus possint uel possit in nos excommunicationis sententiam et in terras nostras interdicti sententiam fulminare si contra predictam cartam meam et presens scriptum et eorundem articulos ausu temerario presumpserimus venire Renunciando in hoc scripto pro me et heredibus meis et assignatis in perpetuum omnibus contradictionibus exceptionibus desensionibus cauillacionibus et prohibicionibus et omnibus literis et priuilegiis a curia regia uel a sede apostolica aut a quacunque alia curia impetratis seu impetrandis et omnibus aliis remediis et auxiliis que mihi et heredibus meis et assignatis poterunt in hoc facto aliquatenus prodesse et dictis viris religiosis in aliquo uel in aliquibus obesse In cuius rei testimonium presenti scripto sigillum meum una cum sigillis [] domini Henrici Dei gracia abbatis de scona ac [] Magistri Heruei de Crambeth tunc temporis Decani Dunkeldensis et Rogeri de Mortuo mari domini de Foulys apposui et apponi procuraui Datum apud Cuprum in octauis purificacionis beate marie virginis Anno gracie millesimo trecentesimo secundo