Charter Document - 01990067
| Charter Number: | 01990067 |
|---|---|
| Cartulary Title: | Charters of the Abbey of Coupar Angus |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1300 - 1301 |
| Date type: | Internal, A.D. |
| Resource Link(s): |
People of Medieval Scotland |
Charter:
Omnibus [] Johannes de Kynros miles salutem in domino nouerit vniuersitas vestra me dedisse [] dilecto consanguineo meo domino waltero de lyndesay domino de thuristoun militi pro homagio et seruicio suo mihi sepe et communiter impenso totam terram meam dominicam de litilperth cum piscariis meis de Northesk ex utraque parte eiusdem infra terram meam quas quidem usque ad diem confectionis presentium habui et possedi una cum viginti solidis annui redditus annuatim capiendis de Westereglismaldy pro una marca argenti et vna petra cere que annuatim debentur domino priori et conuentui de rostinot de predicta terra de litilperth et cum omnibus commoditatibus et aisiamentis mariscis de Westereglismaldy Tenendam et habendam dicto domino Waltero et heredibus suis et assignatis a me et heredibus meis et assignatis in feodo et hereditate inperpetuum per omnes rectas metas et diuisas suas adeo libere [] sicut aliqua terra cum pertinenciis [] liberius [] cuicunque militi dari potest haberi uel teneri cum omnibus commoditatibus [] Reddendo inde prefatus dominus Walterus heredes sui et assignati mihi et heredibus meis vnum denarium argenti quolibet anno in festo beati johannis baptiste apud perth nomine albe firme si petatur tantum pro omnibus secularibus seruiciis et quibuscunque omnibus consuetudinibus exaccionibus seu de mandis que de dicta terra cum pertinentiis per me vel heredes meos seu assignatos vel quoscunque alios nomine nostro exigi poterunt vel requiri Ita libere quod nec ego nec heredes mei seu assignati nec aliquis nomine nostro aliquod jus seu clameum in dicta terra aut in piscationibus eiusdem vel in viginti solidis annui redditus annuatim capiendis de Westereglismaldy seu in communibus aisiamentis mariscis eiusdem habere potero uel poterint quouis modo in futurum sed ab omni actione et clameo penes omnia premissa et singula fuimus ab inde decetero omnino exclusi inperpetuum proponere Ego vero dictus Johannes de Kynros et heredes mei et assignati predictam terram dominicam de litilperth cum piscationibus eiusdem ut dictum est et cum viginti solidis annui redditus annuatim capiendis de Westereglismaldy una cum omnibus aisiamentis mariscis eiusdem et cum omnibus aliis et singulis commoditatibus libertatibus et aisiamentis ad dictam terram pertinentibus prefato domino Waltero et heredibus suis et suis assignatis [] warantizabimus [] In quorum fidem et fidele testimonium premissorum hanc presentem cartam donacionis mee appensione sigilli mei pro me et heredibus meis et meis assignatis roboraui Et ad maiorem et ampliorem euidentiam sigillum domini Alexandri de Abernethi militis presenti scripto apponi procuraui hiis testibus [] R[oberto] [] glasguensi et T[homa] rossensi Episcopis Alexandro de Abernethy et R[oberto] Harcars militibus et R[ogero] rectore de Kynnell apud Perth anno domini millesimo CCC