Charter Document - 01990066

Anno domini MCC nonagesimo nono ad festum Sancti Benedicti abbatis in marcio facta est hec conuentio inter viros religiosos abbatem et conuentum de Cupro ex una parte et adam de Glenbachlach ex parte altera videlicet quod predictus adam dedit et concessit ad firmam dictis viris religiosis totam terram suam de Drumy una cum molendino et omnibus pertinentiis consuetis eiusdem molendini excepto tantum dominico de Glenbachlach cum omnibus libertatibus aisiamentis et pertinentiis ad dictam terram de Drumy spectantibus uel de jure spectare ualentibus usque ad terminum undecim annorum a tempore festi sancti martini in yeme anni gracie MCC nonagesimi noni plene completorum Tenendam et habendam dictis uiris et religiosis et successoribus suis uel assignatis de predicto adam et heredibus suis seu assignatis libere et quiete plenaria et honorifice bene et in pace sine aliquo retine mento pro quadam summa pecunie quam dicti viri religiosi dicto ade pre manibus dederint quam quidem summam pecunie dictus adam se fatetur recepisse in denariis numeratis et in suos proprios usus ad utilitatem suam conuertisse Dictus uero adam et heredes sui uel assignati facient forinsecum seruicium domini Regis quantum pertinet ad dictam terram et eandem terram acquietabunt ab omni exactione et demanda ecclesiastica et seculari quocunque casu causa uel ratione accidente Termino ingressionis dictorum virorum religiosorum in dictam terram incipiente ad dictum festum sancti Benedicti et termino egressionis eorundem de dicta terra incipiente ad festum sancti martini in yeme anno gracie MCCC decimo Et est sciendum quod si propter destruccionem uel uastacionem guerre dicti viri religiosi de dicta terra nec firmas leuare nec fructus inde plenaria percipere possint dicta terra in manibus eorundem remanebit per tantum tempus post terminum suum antedictum per quam a percepcione debitorum fructuum de dicto solo occasione huius guerre fuerunt exclusi Est etiam sciendum quod si predicti abbas et conuentus aliqua edificia de nouo construxerint in dicta terra eisdem in fine termini sui ante exitum eorundem de dicta terra plenaria erunt allocata Concedit etiam dictus adam pro se et heredibus suis et assignatis quod communis transgressio animalium que dicitur pundleur inter ipsum adam et dictum abbatem terras eorundem et pascua in omnibus locis contiguis non excedat unum denarium cursilis monete Promittit etiam dictus adam pro se et heredibus suis quod si uoluerint uel ipsos oportuerit dictam terram infra predictum terminum quoquomodo alienare uel impignorare hoc nullatenus facient sine consilio dictorum abbatis et conuentus et uoluntate Predictus uero adam et heredes seu assignati predictis viris religiosis et successoribus suis et assignatis predictam terram cum omnibus libertatibus suis et pertinentiis suis ut predictum est usque ad terminum suum contra omnes homines et feminas Warentizabunt et defendent Et ad hec omnia firmiter et fideliter obseruanda dictus adam obligat se et heredes suos et assignatos ac omnia bona eorundem mobilia et immobilia presencia et futura ubicumque fuerint inuenta et precipue totam terram suam de Glenbachlach et ad satisfaciendum dictis uiris religiosis de dampnis expensis et fatigacionibus que uel quas incurrerint fecerint uel sustinuerint occasione istius conuentionis in toto uel in parte non obseruate Supponit insuper dictus adam se et heredes suos et assignatos iurisdictioni et cohercioni Decani Dunkeldensis et aliorum ordinariorum ecclesiasticorum qui pro tempore fuerint in quorum iurisdictione fuerint inuenti quod ipsos ad omnia et singula supradicta fideliter obseruanda per omnimodam censuram ecclesiasticam possint compellere nullo obstante proponendo Et ad maiorem securitatem dictus adam dictis viris religiosis hos plegios inuenit quodlibet insolidum videlicet Johannem de Retreue alanum Brune martinum dictum procuratorem Robertum de Kinpunt et Symonem de Glenbachlach qui se ut predictum est in omnibus obligarunt In cuius rei testimonium presenti huius scripti cirographati penes prefatum adam residenti sigillum predictorum abbatis et conuentus est apponitum parti uero penes ipsos abbatem et conuentum remanellti sigillum ipsius ade et sigilla suorum plegiorum superius nominatorum qui sigilla habuerunt sunt appensa una cum sigillis uenerabilium patrum dominorum abbatum de Scona et de Neubotil et etiam Decani Dunkeldensis tunc generalis vicarii domini Episcopi eiusdem loci et domini pape capellani