Charter Document - 01990063

Omnibus [] Hugo de Euer dominus de Ketenes salutem in domino Nouerit uniuersitas vestra me pro salute anime domini Johannis [] Regis Scocie illustris et Edwardi filii eius necnon et pro salute anime mee et pro salute animarum omnium antecessorum et successorum meorum dedisse [] deo et beate Marie de Cupro et Monachis [] in liberam puram et perpetuam elemosinam fontem meum existentem in terra Abthenagii mei de Ketenes qui quidem fons vocabulo dicitur Bradewell qui est situs iuxta lapides qui dicuntur Harstanes cum tota aqua in ipsum descendente vel descendere valente vna cum ductu aque dicti fontis per medium terre mee de Ketenes secundum quod dicti Monachi dictam aquam ad suum monasterium de Cupro commodius poterunt perducere Uolo et concedo pro me et heredibus meis et assignatis qui predictam terram de Ketenes pro tempore tenuerint quod dicti Monachi dictum aque ductum possint emendare reficere et reparare quociens cursus dicte aque fuerit obstructus vel alias impeditus quo minus ad dictum Monasterium possit libere fluere vel descendere sine perturbacione vel contradictione mea vel alicuius heredum meorum vel assignatorum predictorum Uolo etiam et concede pro me et heredibus meis seu assignatis predictis quod dicti Monachi dictum fontem vna cum ductu aque sicut predictum est habeant et possideant ita libere [] sicut aliqua elemosina in regno Scocie ab aliquibus religiosis liberius [] tenetur et possidetur Ego uero et heredes mei seu assignati dictum fontem cum dicta aqua [] dictis Monachis et successoribus suis [] warantizabimus [] Vt autem hec mea donacio [] et confirmacio robur perpetue firmitatis optineant presenti scripto sigillum meum apposui Hiis testibus domino Johannes Cumyn domino Alexandro de Balliolo camerario Scocie domino Hugone de Hay a domino Gilbertus de Haya et domino Andree Fresel et aliis