Charter Document - 01990058
| Charter Number: | 01990058 |
|---|---|
| Cartulary Title: | Charters of the Abbey of Coupar Angus |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1252 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Innocentius episcopus seruus seruorum dej Dilectis filiis Abbati Cistercij eiusque Coabbatibus et Conuentibus vniuersis Cisterciensis ordinis Salutem et apostolicam benedictionem Solet annuere sedes apostolica piis uotis et honestis petentium precibus fauorem beniuolum impertiri Ea propter dilecti in domino filij uestris postulationibus grato concurrentes assensu omnes [libertat]es et immunitates a predecessoribus nostris Romanis pontificibus siue per priuilegia seu alias indulgentias ordini uestro concessas necnon libertates et exemptiones secularium exactionum a Regibus et Principibus uel alijs Christi fidelibus rationabiliter uobis indultas auctoritate apostolica confirmamus et presentis scripti patrocinio communimus Nulli ergo omnino hominum liceat bane paginam nostre confirmacionis [infringere uel ei ausu temerario] contraire Si quis autem attemptare presumpserit [indignationem] omnipotentis dei et beatorum [Petri et] Pauli eius nouerit se incursurum Datum Perusij x kalendas Septembris Pontificatus nostri anno decimo