Charter Document - 01990056
| Charter Number: | 01990056 |
|---|---|
| Cartulary Title: | Charters of the Abbey of Coupar Angus |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1245 - 1273 |
| Date type: | Assigned |
| Resource Link(s): |
People of Medieval Scotland |
Charter:
Robertus decanus dunkeldensis ecclesie eiusdemque capitulum Omnibus [] Salutem in domino Quum collationes episcoporum absque consensu sui capituli invalide soleant reputari Que accedente eidem consensu robur debent optinere perpetue firmitatis nos pia et prouida habita deliberacione justis postulationibus monachorum de Cupre grato concurrentes assensu confirmamus eisdem donationem illam quam pie memorie Johannes primus episcopus dunkeldensis illis fecit s[cilicet] de terra Cambusathonam et piscationibus et omnibus aliis eidem terre pertinentibus et terram de athbrec cum omnibus pertinenciis suis sicut in carta dicti primi Johannis et confirmatione secundi Ricardi successoris eius continetur Preterea confirmamus compositionem illam quam cum Johanne primo et ricardo secundo episcopis quondam fecerunt s[cilicet] de decimis de kethec que ad ecclesiam de kerregille pertinent et sic cum eis facta est Reddendo s[cilicet] camere episcoporum dunkeldensium singulis annis unam marcam argenti dimidiam s[cilicet] marcam ad pentecosten et dimidiam marcam ad festum sancti martini Ad hoc autem adicimus concedentes et hoc presenti scripto confirmantes ut si aliquando contigerit eosdem monachos terram suam de Cambusadonam et piscationes ad firmam dimittere ipsi monachi dabunt pro decimis inhabitancium dicte ecclesie de kerregille unam petram cere ad pentecosten annuatim quamdiu terram illam inhabitauerint et piscaciones habuerint Ipsi tamen inhabitantes recipient in ecclesia de kerregille omnia spiritualia et eidem persolvent annuatim mortaria et omnes oblaciones plene quamdiu predictam terram inhabitauerint et piscationes habuerint Vt autem hoc scriptum robur habeat perpetuum commune sigillum capituli nostri eidem apposuimus Teste capitulo nostro