Charter Document - 01990052
| Charter Number: | 01990052 |
|---|---|
| Cartulary Title: | Charters of the Abbey of Coupar Angus |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1244 - 1247 |
| Date type: | Assigned |
| Resource Link(s): |
People of Medieval Scotland |
Charter:
Omnibus [] Forleth Comitissa Atholie salutem Noveritis me caritatis intuitu pro salute anime mee et pro anima Domini David de Hastings quondam viri mei Comitis Atholie et pro animabus omnium antecessorum et successorum meorum concessisse et hac presenti carta mea confirmasse Deo et beate Marie de Cupro et Monachis [] Terram de Dunfolenthies Huchtir illam scilicet quam Magister nessus medicus Regis dictis monachis in puram et perpetuam Elemosinam dedit et carta sua confirmavit Quam quidem terram Ego in legia potestate viduitatis mee constituta predicto nesso pro homagio et servitio suo mihi impendendo dedi Quam terram modo Keinnach Mackgilleger de dictis monachis ad firmam tenet Quare volo quod dicti monachi predictam terram cum omnibus commoditatibus et aisiamentis eidem terre pertinentibus pacifice et honorifice teneant et possideant libere ab omni onere et servitio Domini Regis et Comitis Atholie et a quibuscunque oneribus que de dicta terra ab aliquo quo vis modo exigi potuit vel requiri Et ut hec mea concessio et confirmatio robur perpetue firmitatis optineat eam presentis pagine testimonio sigilli mei appositioni roboravi His testibus Domino Gilberto de Haya Domino Roberto Meneres Domino Aymero de Machuswell Domino Simone de Lindesey Domino Willelmo de Haya Domino Johanne Capellano Gumming filio comitis et multis aliis