Charter Document - 01990051
| Charter Number: | 01990051 |
|---|---|
| Cartulary Title: | Charters of the Abbey of Coupar Angus |
| Charter Language: | Latin |
| Charter Origin: | Religious |
| Charter Type(s): | Final Concord |
| Date: | 1246 |
| Date type: | Internal, A.D. |
| Resource Link(s): |
People of Medieval Scotland |
Charter:
Vniuersis presentes litteras inspecturis Frater M dictus Abbas de Melros Salutem in domino vniuersitati vestre Notum facimus quod controuersia esset inter venerabiles Abbatem et Conuentum Cistercij ex vna parte et Abbatem et Conuentum de Cupro ex altera super eo quod dicti Cistercienses dicebant ecclesiam de Erolim eis totaliter datam a domino Rege Scocie illis de Cupro contrarium asserentibus et dicentibus quod predicti Cistercienses nichil amplius habebant in predicta ecclesia quam viginti libras annui redditus Sterlingorum tandem predicta controuersia terminata est in hunc modum videlicet quod predicti Abbas et Conuentus de Cupro debent soluere predictis Cisterciensibus in Nundinis Trecensibus in festo Apostolorum Petri et Pauli uel in sequenti proximo Capitulo generali viginti marcas sterlingorum pro dampnis et expensis pro qua solutione facienda nos et domum nostram dictis Cisterciensibus obligamus et ipsi predicti Cistercienses quittauerunt dictam querelam imperpetuum supradictis Cuprensibus ita dum taxat quod predicti Cuprenses soluent annuatim sicut antea facere consueuerant Cistercio viginti libras Sterlingorum omnibus instrumentis super hoc negotio confectis in suo robore permanentibus In testimonium autem omnium predictorum et confirmationem Nos predictus Abbas de Melros vna cum predicto domino Abbate Cistercij impressione sigillorum nostrorum presentibus litteris fecimus apponi Actum anno domini MCC Quadragesimo Sexto tempore capituli generalis
Source (click image below to view full size)
