Charter Document - 01990036
| Charter Number: | 01990036 |
|---|---|
| Cartulary Title: | Charters of the Abbey of Coupar Angus |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1220 - 1225 |
| Date type: | Assigned |
| Resource Link(s): |
People of Medieval Scotland |
Charter:
Uniuersis sancte matris ecclesie filiis has litteras uisuris uel audituris Symon prior ecclesie Sancti Andree et eiusdem loci conventus eternam in Domino salutem Nouerit uniuersitas uestra nos communi consensu et assensu capituli nostri concessisse et hac presenti carta nostra confirmasse donationem illam quam Alexander Dei gratia rex Scottorum et uenerabilis pater Willelmus Dei gratia episcopus Sancti Andree fecerunt Deo et ecclesie Beate Marie de Cupro et monachis ibidem Deo seruientibus de ecclesia de Erolin Tenenda in puram et perpetuam elemosinam Saluis episcopalibus et salua tenura Roberti de Haya in vita sua Reddendo inde annuatim capitulo Cistercii uiginti libras sterlingorum ad procurationem generalis capituli quarta die sicut in cartis eorum continetur Vt autem ista concessio robur perpetue firmitatis optineat eam presentis pagine testimonio et sigilli nostri appositione roborauimus Valete Teste toto capitulo nostro