Charter Document - 01990031
| Charter Number: | 01990031 |
|---|---|
| Cartulary Title: | Charters of the Abbey of Coupar Angus |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1220 - 1222 |
| Date type: | Assigned |
| Resource Link(s): |
People of Medieval Scotland |
Charter:
Uniuersis [] Willelmus de Munfichet salutem in domino Nouerit uniuersitas uestra me per consilium amicorum meorum dedisse [] deo et beate Marie de Cupro et monachis [] plenarium pasturam ad quadraginta animalia de kethec extra diuisas de kethec super pasturam meam de kergille ubicumque animalia mea siue hominum meorum pascunt Dedi etiam eisdem monachis sexaginta bigatas turbe ad opus Grangie de kethec quas accipient conuersi de kethec vel homines eorum ubi melius et commodius sibi uiderint competere super terram meam Concessi insuper et dedi prenominatis monachis ad opus suorum de camsy plenarium pasturam ad triginta animalia extra diuisas de kamsy super terram meam ubicumque animalia mea siue hominum meorum pascunt Preterea uero dedi eisdem monachis ad lumen ecclesie sancte marie de cupro singulis annis in puram et perpetuam elemosinam unam petram cere reddendam annuatim ad purificationem beate marie virginis Concessi etiam ipsis monachis et hominibus suis liberum transitum sine impedimento per uias et semitas super terram meam in bosco et plano et moris ad uehicula sua trahenda et alias res suas portandas et ducendas inter loca sua maxime per has uias scilicet per uiam more que tendit ad furcas et per viam que iacet iuxta uillam laising et per uiam inferiorem que iacet iuxta aquam et pontem de hylif Concessi insuper ipsis monachis ut omnis materies eorum de nemore ueniens sine contradiccione super terram meam applicet et per eam libere deportetur ubi uoluerint Hec autem omnia ego et heredes mei dedimus et concessimus domui de cupro libere et quiete plenaria et honorifice inperpetuum tenenda a nobis et possidenda Ita plane ut nulla ulterius inter me et predictos monachos de diuisis inter nos tam de kethec quam de kamsi controuersia moueatur Sed utrique prefati scilicet monachi et ego ipsis eisdem diuisis inter kethec et kergille et inter kamsy et kergille sicut eorum probis hominibus perambulate fuerunt et aratro fulcate Anno scilicet dominice incarnationis mccxx die sanctorum Innocentium inperpetuum sine omni altercatione in pace gaudeamus Preterea prius obitum meum et uxoris mee et heredis mei corpora nostra domui de cupro dedimus sepelienda si id quolibet modo congrue fieri potuerit Vt autem hec carta rata et stabilis et inconcussa inperpetuum perseueret eam sigilli mei munimine roboraui Hiis testibus Willelmo abbate de Scona Magistro Laurentio archidiacono sancti andree Innocentio priore de Incheaffran Willelmo de Waus Jacobo hose Heruieo de kynros Malcolmo de ketenes Ricardo dispensatore de kerg[i]lle Waltero de kercoc Alano albo de kambus[] et multis aliis