Charter Document - 01990028
| Charter Number: | 01990028 |
|---|---|
| Cartulary Title: | Charters of the Abbey of Coupar Angus |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1225 - 1230 |
| Date type: | Assigned |
| Resource Link(s): |
People of Medieval Scotland |
Charter:
Hugo [] episcopus dunkeldensis omnibus [] salutem Sciant tam presentes quam futuri nos de communi capituli nostri assensu et consensu concessisse et hac carta nostra confirmasse deo et ecclesie beate marie de cupro et monachis [] donacionem illam quam pie memorie predecessor noster Johannes primus episcopus dunkeldie illis fecit scilicet de terra Cambesadon et piscationibus et omnibus aliis eidem terre pertinentibus et terram de adbrec cum omnibus pertinentiis suis sicut in carta dicti primi Johannis et confirmatione secundi Ricardi successoris eius continetur Preterea confirmamus composicionem illam quam cum Johanne primo et Ricardo secundo predecessoribus nostris fecerunt scilicet de decimis de ketheg que ad ecclesiam nostram de kergille pertinent et sicut cum eis facta est Reddendo scilicet camere nostre et successorum nostrorum singulis annis unam marcam argenti dimidiam scilicet marcam ad pentecosten et dimidiam marcam ad festum sancti martini Ad hec autem adicimus concedentes et hac carta nostra confirmantes ut si aliquando contigerit eosdem monachos terram suam de Cambesadona et piscationes ad firmam dimittere ipsi monachi dabunt pro decimis inhabitantium ecclesie nostre de kergille unam petram cere ad pentecostem annuatim quamdiu terram illam inhabitauerint et piscationes habuerint Ipsi tamen inhabitantes recipient in ecclesia de kergille omnia spiritualia et eidem persoluent annuatim mortaria et omnes oblationes plene quamdiu dictam terram inhabitauerint et piscationes habuerint Ut autem hoc instrumentum robur habeat perpetuum Capitulum dunkeldie sigillum suum apposuit Hiis testibus Willelmo de edenham archidiacono dunkeldensi Roberto de Raperslau precentore Adam de prebenda Gilberto persona de forgrund Johanne de hetun Willelmo de Clonin Nazario Willelmo de Lundors Roberto de Cragin Canonicis de dunkeldie Matheo decano de Rettref Michaele capellano Johanne filio Nazarii Roberto camerario et multis aliis