Charter Document - 01990026
| Charter Number: | 01990026 |
|---|---|
| Cartulary Title: | Charters of the Abbey of Coupar Angus |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1220 |
| Date type: | Internal, A.D. |
| Resource Link(s): |
People of Medieval Scotland |
Charter:
Anno ab Incarnacione Domini MCCXX facta est hec conuentio inter Dominum Alexandrum abbatem de Cupro et eiusdem loci conuentum ex una parte et Dominum Robertum de Haya ex alia Scilicet quod dictus Robertus de Haya dedit ad firmam dicto abbati et monachis de Cupro Ecclesiam suam de Erolin cum omnibus pertinentiis suis Tenendam omnibus diebus uite sue Reddendo ei inde annuatim quadraginta marcas argenti scilicet viginti marcas ad festum Sancti martini et viginti marcas ad Pentecosten Sciendum uero est quod dicti monachi dederunt premanibus Prefato Roberto firmam Quatuor annorum scilicet Anni Domini millesimi cc vicesimi Primi et vicesimi secundi et vicesimi tertii et vicesimi quarti Ita quod predicti monachi soluere incipient firmam dicto Roberto Anno MCCXXV ad festum Sancti martini Preterea prefati monachi honestum prouidebunt Capellanum qui honeste deseruiet prefate ecclesie de Erolin et Episcopo respondebunt de episcopalibus [] eidem de jure pertinentibus Hanc autem conuencionem bona fide et sine dolo tenendam dictus abbas de Cupro pro se et conuentu suo coram Domino Willelmo Episcopo Sancti Andree firmiter promisit et dictus Robertus de Haya pro se affidauit vt autem hec conuentio rata et stabilis permaneat Dominus Willelmus Episcopus Sancti Andree et Magister Laurentius Archidiaconus Sancti Andree sigilla sua huic Cyrographo Cum Sigillis partium apposuerunt Hiis Testibus Roberto de Sancto Germano Magistro Thoma de Tynemuh Magistro Ricardo de Doure Magistro Petro de Driburc Domino Petro et Domino Simone Capellanis Johanne de Haya Hugone de Nidin Simone de nusi Willelmo de Nidin Mauricio de Kindeloch Gibun de Haya Ricardo Camerario Ricardo de lidel Ricardo de tuyford et multis aliis
Source (click image below to view full size)
