Charter Document - 01990025

In Nomine Sancte et Individue Trinitatis patris filii et Spiritus Sancti Amen Ego Alexander Dei Gratia Rex Scottorum Authoritate Regali ac Comitum Episcoporum et Baronum regni mei Consilio populo itaque adquiescente dedisse contulisse et pro perpetuo Confirmasse Deo et Sancte Marie de Cupro et Monachis ibidem deo Seruientibus et inperpetuum Seruituris omnes predecessorum meorum donationes videlicet Malcolmi regis fratris mei Cuprum Cum suis ecclesiis terris capellis decimis et aliis pertinentiis Item asiamenta de omnibus suis forrestis Scotie Item Carbones ad suos proprios vsus [] ex donatione Regis Willelmi patris mei Omnes Terras de Aberbothryne per omnes rectas suas diuisas Terras de Kethet per rectas diuisas suas Item Terras de Parthesin per suas rectas diuisas et illam Kalathin que Mackholffe tenuit per suas rectas diuisas excepta ilia parte terre de Kalathyn que est ex australi parte Aque de Ferdill versus Cloynin que ad opus meum reseruaui Item de dimidia Carucata terre ad situm sue Ab[b]acie faciendum Item de duabus carucatas terre Mensuratis in Territorio de Retriffe iuxta terram ipsorum Monachorum de Cupro quas Comes Duncanus Justiciarius meus Ceterique probi homines mei precepto iis mensurabant Item totum Mariscum de Blair quod pertinebat ad dominium meum de Blair Omnes Supradictas Donationes eisdem Monachis pro perpetuo Confirmo Et iis insuper Do et Concede in puram et perpetuam Elemosinam Decem Libras argenti quas solebamus recipere annuatim de terra de Glenyliffe per manus Abbatis de Cupro Dedi et concessi insuper decem Marcas argenti annuatim ad sustentationem duorum Monachorum de Domo de Cupro qui perpetuo ministrabunt et diuina celebrabunt in Capella Sancte Trinitatis in Insula Nostra infra Lacum Nostrum de Forfar et quinque marcas et que restant de dictis decem libris concessimus Monasterio de Cupro ad Luminare eiusdem Monasterii Concessimus Item dictis Monachis manentibus in dicta insula ad sustentationem eorundem communem pasturam in terra nostra de Tyrbeg ad sex vaccas et vnum equum Concessimus itaque dictis Monachis ut de terra Nostra de Tyrbeg rationabiliter habeant focale ad usus suos proprios et ad usus eorundem qui extra Insulam predicta animalia sua conseruabunt Confirmo iis itaque Abthyne per rectas diuisas suas ex donatione Willelmi regis patris mei Item duas percatas terre in villa de perth quas predicti Monachi emerunt a Willelmo filio Lene Item terras de Edderpolls quas Willelmus de Haya iis dedit Item donationem quam Richardus de La Batelle iis fecit de terra ilia que est inter terram de Ederpolls et Inchemartyne que fuit in calumpnia inter Willelmum de Haya et Richardum Ruffum Item donationem quam Stephanus de Blair iis fecit [Item donationem quam Thomas Hostiarius iis fecit Item donationem quam Dauid Ruffus iis fecit] quos constituit heredes suos de terra de Kyncreiffe Volo itaque ut predicti Monachi de Cupro inperpetuum Liberi Sint ab omnibus Tolnagiis passagiis et Mercatibus et omnibus aliis Consuetudinibus et Liberam potestatem habeant Vendendi et Emendi per totum Regnum Meum Precipio itaque ut Nullus eos Na mare possit pro alicujus debito vel forisfacto Testibus Willelmo Episcopo Sancti Andree Malcolmo Comite de Fyffe Willelmo Cumin Comite de Buchan Roberto de London fratre nostro Waltero de Lindes[eia] Galfrido filio Richardi Johan[n]e de Haya Alexandro Vicecomite de Streuelin Apud Scone xvii die Martii