Charter Document - 01970003

In nomine Patris et Filii et Spiritus Sancti Amen Quoniam commodum annuente superni iudicis censura sub cirographi testimonio Sancte Dei ecclesie largior hereditatem predictam nobis videtur ut per futurum Sancte Dei ecclesie servientibus usque ad ultimum cursum secularis vite perpetualiter ligaminibus litterarum retentum regali auctoritate firmatum consularique dedicione datum permaneat quamvis a temporibus antiquorum regum ecclesia Sancti Stephani Lanstavetonensis canonice fuisset fundata et terris et aliis honoribus ditata Tamen ne tempestate secularium cupidatum vel maculis reproborum religio eiusdem ecclesie in subsequentibus temporibus dissipetur ac rumpatur ego Robertus comes Moretonii et Cornubie frater Willelmi Anglorum regis et Matildis uxor mea concessione supradicti regis hoc privilegium in ecclesia prothomartiris Stephani supradicti sub canonica auctoritate pro Willelmo rege et pro nobismet ipsis et pro nostris infantulis eternaliter constituimus Et eciam octo mansas terre et dimidiam et v acras eidem ecclesie quas prius habuerat concessimus quarum dimidietas est vestita et alia dimidietas vasta Tali autem tenore hoc prefate munificencie munus tradendo concessimus ut possideat et firmiter teneat usque ad ultimum diem secularis vite cum omnibus utensilibus que Deus in ipso telluris gramine creavit tam ignotis causis quam notis campis pascuis pratis Et harum terre supradictarum hidarum iacet semis hida inter Lenega et Melenec et una hida inter Lendren et Trebursy et Tregadylet et dimidia hida inter Chestell et Trenellat et dimidia hyda inter Tredydan et Trelodat Et duo acri inter Carnaithan et Landpudic et una virgata inter Trespernan et Tregenner et virga in Lanast Et una virga in Treuf et Tregloman et dimidia hyda in Tregvasmer et una virga in Tregher et ij acri in Trehonnudr et unus acras in Trebretell et ij acri in Botgallon et unus acras in Hendriden Et unus acras in Carhegintell et ij acri in Attel et unus acras in Tregemon et unus acras in Chernoc et ij acri in Treguethuca et una virga in Trescoit et unus acras visum in alio Trescoit et unus acras et semis in Dodestona et dimidia hida inter Bradrige et Birford et Berdun et una virga in Languenec et una virga in Penhel et ii acri et semis in Lanstavatona et in Lodcoit unus acras et unus acras in Cheuros et tres acri in Ghiderlega et una hyda et dimidia inter Botcoloer et Bodcodigu et Banathelva Et harum terrarum iiij hyde et acri iacent in omnium fratrum communitate xxj acrum quarum tenent xxvj franci homines et ij hydas et iij virgatas et ij acras tenent cervesarii et servi et cum propriis carucis fratrum communitati lucrantur et iiij hydas et iij acras habent ipsi canonici in sua proprietate sicut in subsequentibus dividam Et viij burgenses habent canonici in commune in Lanceavetona quorum nomina hec sunt Cola Rigensona Elnot Hat Adric Ghegia Goduina Hocanasune Humflet Pila Edeman Beates Faber Jouin Faber Et eciam ita canonice hanc ecclesiam constituerimus quod Rodbertum gratia Dei sacerdotem decanum in eadem basilica posuimus et decimas de sex nostris propriis mansionibus Sancto Stephano ad proprietatem victus eiusdem decani et eciam ad prebendam subsequencium decanorum supradicta racione perpetualiter dedimus omnes decimas scilicet annone et caseorum et agnorum et vitulorum et pullinorum et porcorum et gablorum tam denariorum quam pecudum ceterarumque terre rectitudinum exceptis duabus partibus annone et caseorum et porcorum de Liscaret et excepta tercia parte annone et caseorum ceterarum quinque mansionum quas partes sacerdotes qui ecclesiis eorumdem mansionum serviunt habent quarum nomina hec sunt Ridlatona Liscaret Faitona Tiguarnel Henlistona Treglastan Et Ricardus filius Turoldi debet de uno acro et dimidio Gudmanneslega xxx denarios ad festum Sancti Michaelis ecclesie Sancti Stephani reddere et tres oves ad Pascha Si quis autem hoc nostrum decretum privilegii minuerit reus sit ante tribunalem Christi et coram omnibus sanctis Acta est autem hec prefata carta anno ab incarnacione domini nostri Jhesu Christi millesimo lxxvj indiccione xiiij