Charter Document - 01960304

Omnibus Cristi fidelibus ad quos presens scriptum pervenerit Hugo Dei gratia Lincoln episcopus eternam in domino salutem Noverit universitas vestra nos de assensu dilectorum filiorum W decani et capituli nostri Lincoln concessisse divine pietatis intuitu dilectis filiis fratri Thuroldo magistro hospitalis pauperum in parrochia de Hoclive erecti et successoribus suis canonice per nos et successores nostros instituendis et fratribus ibidem deo servientibus et servituris imperpetuum Thome etiam capellani rectoris ecclesie de Hoclive cuius ad predictos magistrum et fratres patronatus pertinet interveniente consensu quod in capella sua infra septa ipsius hospitalis erecta cantariam habeant et apud eam sibi tantum qui habitum ibi religionis gestaverint sepulturam salvo iure tam vicinarum ecclesiarum quam dicte matricis ecclesie de Hoclive in servientibus et aliis a premissis apud ipsum hospitale decedentibus et generaliter in omnibus et per omnia Pro quo quidem iure sicut dictum est indemni conservando magister loci qui pro tempore fuerit presente prefate matricis ecclesie rectore vel assignato suo [coram] archidiacono loci corporaliter pro se et fratribus suis in pleno capitulo prestabit sacramentum cum ipsius hospitalis receperit [ad]ministrationem Iurabit etiam quod in preiudicium iuris ecclesie nostre Lincoln aut nostri vel successorum nostrorum sepe dicte matricis ecclesie vel vicinarum ecclesiarum nichil umquam adtemptabit impetrabit aut procurabit vel quantum in ipso est permittet impetrati Et si aliqua forte contra premissa fuerint impetrata quod numquam per se vel per alium utetur impetratis Hec autem supradicta concessimus salvis in omnibus episcopalibus consuetudinibus et Lincoln ecclesie dignitate Quod ut perpetuam optineat firmitatem presenti scripto sigillum nostrum una cum sigillo predicti capituli nostri Lincoln duximus apponendum Hiis testibus Willelmo decano Roberto archidiacono Lincoln Iohanne precentore Waltero thesaurario et Iohanne subdecano Willelmo archidiacono Stowe Waltero Blundo Willelmo de Avalon magistris Roberto de Gravel Stephano de Cicestr Willelmo de Beningewrd Theobaldo et Ricardo de Cantia Thoma de Northon et Galfrido Scoto capellanis magistris Willelmo de Lincoln et Waltero de Well Radulfo de Waravill et Willelmo de Winchecumb diaconis magistro Amaurico de Buggeden et Ricardo de Oxon subdiaconis canonicis Lincoln Dat per manum nostram in capitulo Lincoln quarto nonas Aprilis pontificatus nostri anno vicesimo