Charter Document - 01960234
| Charter Number: | 01960234 |
|---|---|
| Cartulary Title: | Acta of Hugh of Wells, Bishop of Lincoln, 1209-1235 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1225 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Hugo Dei gratia Linc episcopus salutem in domino Noverit universitas vestra nos de assensu Willelmi decani et capituli nostri Linc dedisse et concessisse dilecto in Cristo filio Petro de Cheueremunt quindecim marcas annuas nomine prebende Linc de redditu nostro de archidiaconatu Linc per manum archidiaconi eiusdem loci annuatim percipiendas ad quatuor anni terminos videlicet ad Natale Domini quinquaginta solidos ad Pascha quinquaginta solidos ad Nativitatem beati Iohannis Baptiste quinquaginta solidos et ad festum sancti Michaelis quinquaginta solidos habendas et tenendas eidem Petro donec illi in ecclesia nostra Linc per nos vel successores nostros competenter provideatur Statuentes de consilio predictorum decano et capituli ut cum ipsi P fuerit sicut dictum est provisum ex tunc predicte quindecim marce tanquam ius nostrum et proprius redditus noster absque omni reclamatione et contradictione ad nos et successores nostros libere quiete revertantur Quod ut firmitatem optineat presenti scripto sigillum nostrum una cum sigillo predicti capituli nostri Linc duximus apponendum Hiis testibus Willelmo decano Iohanne precentore Ricardo cancellario Roberto Linc et Willelmo Wellen archidiaconis Iohanne subdecano magistro Roberto de Gravel Gilberto de Scardeburg Waltero Blundo Rogero de Bristoll magistro Stephano de Cicestr Petro de Hunger magistris Willelmo de Linc Rogero de Laccock et Amaurico de Buggeden Rogero de Bohun et Hugone de Well canonicis Linc Dat per manum Radulfi de Warevill canonici Linc in capitulo Linc quarto kalendas Octobris anno pontificatus nostri sexto decimo
Source (click image below to view full size)
