Charter Document - 01960199

Omnibus Cristi fidelibus ad quos presens scriptum pervenerit Hugo Dei gratia Linc[] episcopus salutem in domino Noverit universitas vestra quod cum nos et dilectus filius Robertus archidiaconus Huntyngdon[] per ordinationem a nobis factam medietatem decime omnium garbarum de tota illa parte ville de Burringham que tunc fuit de feodo de Askeby ecclesie de Alethorp[] imperpetuum participiendam assignaremus Adam tunc temporis persona ecclesie predicte de Alethorp[] ad petitionem predicti Roberti archidiaconi et magistri Willelmi de Cantuar[] canonici Linc[] prefatas omnes decimas de consensu magistri et fratrum militie Templi in Anglia patronorum unius medietatis dicte ecclesie de Alethorp[] et prioris et fratrum hospitalis sancti Leonardi de Ebor[] patronorum alterius medietatis eiusdem ecclesie Olivero persone ecclesie de Botlesford[] concessit et dimisit de ecclesia de Alethorp[] integre quamdiu idem Oliverus vixerit tenendas sub annua firma quatuor solidorum ad festum sancti Michaelis eidem ecclesie de Alethorp[] annuatim solvenda ita quod ipsa ecclesia de Alethorp[] et rectores eiusdem post decessum prefati Oliveri integre et plenarie et absque omni contradictione prefatas decimas imperpetuum percipient cessante extunc perpetuo solutione predicte firme quatuor solidorum quam eadem ecclesia de Alethorp[] pro predictis decimis percipere consuevit et ecclesia de Botlesford[] de ipsa prestatione quatuor solidorum annuorum imperpetuum quieta Nos igitur hanc concessionem sepedicto Oliver factam de consensu Willelmi decani et capituli nostri Linc[] auctoritate episcopali confirmamus Et in huius rei testimonium tam sigillum nostrum et sigillum capituli nostri Linc[] quam sigilla supradicti Ade persone ecclesie de Alethorp[] et prefati magistri militie Templi in Anglia patroni unius medietatis ecclesie predicte de Alethorp[] et dictorum prioris et fratrum hospitalis sancti Leonardi de Ebor[] patronorum alterius medietatis ipsius ecclesie de Alethorp[] presenti scripto sunt appensa Hiis testibus Willelmo decano Galfrido precentore Ricardo cancellario Gilberto thesaurario Iohanne subdecano Roberto Huntingdon[] Ada Oxon[] Iohanne Bedeford[] et Willelmo Stowe archidiaconis Gilberto de Scardeburg[] magistris Ricardo de Lynwod[] Roberto de Gravell[] et Stephano de Cicestr[] Waltero Blundo Rogero de Bristoll et Roberto de Wassyngburg magistro Willelmo de Linc[] Petro de Hungar[] et Willelmo de Avalun magistris Willelmo de Cantuar[] Nicholao de Evesham Amaurico de Buggeden[] Waltero de Well et Roberto de Brincl[] Radulpho de Warevill[] Rogero de Bohum[] et Petro de Cheuremunt canonicis Linc[] Dat[] per manum Petri de Bathon[] canonici Linc[] in capitulo Linc[] apud Lincoln[] iiij Martii pontificatus nostri anno quartodecimo