Charter Document - 01960198

Omnibus Cristi fidelibus ad quos presens scriptum pervenerit Hugo Dei gratia Linc[] episcopus salutem in domino Noverit universitas vestra quod cum inter Adam rectorem ecclesie de Althorp[] actorem ex una parte et Oliverum personam ecclesie de Botlesford[] parte rei fungentem ex altera coram priore sancte Trinitatis Eboraci et coniudicibus suis auctoritate litterarum domini pape Honorii tertii questio verteretur super omnibus decimis de tota parte ville de Burringeham[] que est de feodo de Askeby Item cum dictus Oliverus prefatum Adam coram priore Hospitalis Linc[] et coniudicibus suis ab eodem domino papa delegatis traxisset in causam super eo quod idem Adam omnes parrochianos habitantes in predicta parte ville de Burringeham[] ad sepulturam et ad alia sacramenta ecclesiastica iniuste admittens obblationes sic eorundem parrochianorum tam pro vivis quam pro mortuis et legata eorum in preiudicium ecclesie de Botlesford[] retinuit tandem supradictus Adam persona ecclesie de Althorp[] et magister et fratres militie Templi in Anglia patroni unius medietatis eiusdem ecclesie et prior et fratres hospitalis Ebor[] patroni alterius medietatis item predictus Oliverus persona ecclesie de Botlesford[] et prior et conventus de Thornholm[] qui se dicebant esse patronos ipsius ecclesie se sponte simpliciter et pure super omnibus premissis nostre et dilecti filii Roberti archidiaconi Huntingdon[] subiecerunt ordinationi Nos igitur super iure et possessione que tam ecclesia de Althorp[] quam ecclesia de Botlesford in hiis habere videbantur diligentem prius inquisitionem facientes per testes ab utraque parte productos iuratos et examinatos diligenter ut predictarum ecclesiarum que a longis retro temporibus sepe sibi ad invicem pro premissis lites ingesserunt paci et tranquillitati de cetero provideatur solum deum habentes pre oculis de consensu partium ita duximus ordinandum videlicet quod omnes minute decime totius predicte partis ville de Burringeham[] que est de feodo de Askebi et medietas decime omnium garbarum eiusdem partis ad ecclesiam de Botlesford integre et pacifice in perpetuum pertinebunt Ecclesia autem de Althorp[] aliam medietatem decime omnium garbarum ipsius partis de Burringeham que est de feodo de Askeby in perpetuum percipiet et omnes oblationes omnium parrochianorum manentium in eadem parte de Burringeham[] que est de predicto feodo de Askeby tam pro vivis quam pro mortuis et legata eorum perpetuo retinebit omnes ipsos parrochianos ad sepulturam et ad alia sacramenta ecclesiastica admittendo Et ne pro divisione garbarum facienda de predictis decimis lis inter prefatas ecclesias de Althorp[] et de Botlesford aliquo tempore oriatur totam terram quam homines tenuerunt in tota sepedicta parte ville de Burringeham[] que est de feodo de Askeby tempore huius ordinationis cum toftis adiacentibus in duas medietates equales dividi fecimus assignantes ecclesie de Botlesford[] omnes decimas garbarum de una medietate provenientes ecclesie vero de Althorp[] omnes decimas garbarum provenientes ex altera medietate in perpetuum percipiendas Ecclesia igitur de Botlesford[] percipiet in perpetuum omnes decimas garbarum de terris et toftis subscriptis scilicet de dimidia bovata terre Galfridi Blundi cum tofto suo de dimidia bovata et quarta parte unius bovate terre Gilberti diaconi que fuit Ade Blundi cum tofto suo de dimidia bovata terre Walteri filii Ranulfi cum tofto suo de dimidia bovata terre Margarete filie Roberti filii Brand[] cum tofto suo de dimidia bovata terre Willelmi filii Gilberti cum tofto suo de tertia parte unius bovate terre Willelmi filii Aylfled[] cum tofto suo de dimidia bovata terre Ranulfi filii Wybaldi cum tofto suo de una bovata terre Willelmi filii Wacelini cum tofto suo de uno tofto Matildis braciatricis de dimida bovata terre Ricardi filii Higemund[] cum tofto suo de uno tofto Ade Kappescore et de uno tofto Hugonis fratris eius de tertia parte unius bovate terre Arnaldi filii Aelicie cum tofto suo de quarta parte unius bovate terre Ade filii Sigerich cum tofto suo Ecclesia autem de Althorp[] decimas garbarum habebit in perpetuum de terris et toftis subscriptis scilicet de una bovata et quarta parte unius bovate terre Iohannis filii Gocelini cum tofto suo de una bovata terre Gwiot filii Rogeri cum tofto suo de tertia parte unius bovate terre Geralini filii Gocelini cum tofto suo de dimidia bovata terre Odonis filii Wiminan[] et Thome fratris eius cum toftis suis de tertia parte unius bovate terre Ade filii Gamellini cum tofto suo de tertia parte unius bovate terre Willelmi Dust cum tofto suo de dimidia bovata terre Hugonis ad Fled cum tofto suo de tofto Thome fratris ipsius de dimidia bovata terre Ade filii Cristiane cum tofto suo de tertia parte unius bovate terre Ade filii Habfede cum tofto suo de tertia parte unius bovate terre Hereberti fratris ipsius cum tofto suo de tertia parte unius bovate terre Aelicie uxoris Walteri filii Berewaldi cum tofto suo de uno tofto Gilberti diaconi Si vero contigerit in posterum quod aliqua terra alia a premissis que tempore istius ordinationis fuit de feodo de Askeby apud Burringeham de novo excolatur prefate ecclesie de Botlesford[] et de Alethorp[] omnes decimas garbarum illius terre quecumque illa sit inter se in perpetuum equaliter dimidiabunt salvis in perpetuum ecclesie de Botlesford[] omnibus minutis decimis inde contingentibus salvis etiam nichilominus in perpetuum eidem ecclesie de Botlesford[] omnimodis decimis cum toto iure parrochiali de tota terra in Burringeham[] et in Butterwic[] que tempore huius ordinationis fuit de feodo Nicholai de Chavincurt[] Quas quidem omnimodas decimas et quod totum ius parrochiale ipsa ecclesia de Botlesford[] semper pacifice possidebit Nos igitur hanc ordinationem a nobis et dicto archidiacono factam et a partibus approbatam auctoritate episcopali de consensu Willelmi decani et capituli nostri Linc[] confirmamus Et in huius rei testimonium presenti scripto sigillum nostrum et sigillum predicti capituli nostri Linc[] una cum sigillo prefati Roberti archidiaconi Huntingdon[] coordinatoris nostri et sigillis omnium predictarum partium duximus apponenda Hiis testibus Willelmo decano Galfrido precentore Ricardo cancellario Gilberto thesaurario Iohanne subdecano Roberto Huntingdon[] Ada Oxon[] Iohanne Bedeford[] et Willelmo Stowe archidiaconis Gilberto de Scardeburg[] magistris Ricardo de Lindwode Roberto de Gravel[] et Stephano de Cicestr[] Waltero Blundo Rogero de Bristoll[] Roberto de Wassingburg[] magistro Willelmo de Linc[] Petro de Hungar[] et Willelmo de Avalon[] magistris Willelmo de Cantuar[] Nicholao de Evesham[] Amaurico de Bugeden[] Waltero de Well[] et Roberto de Brincl[] Radulfo de Waravill Rogero de Bohun et Petro de Cheuremunt canonicis Lincoln[] Dat[] per manum Petri de Bathon[] canonici Linc[] in capitulo Lincoln[] apud Lincoln[] quarto idus Martii pontificatus nostri anno quartodecimo