Charter Document - 01960177

Omnibus Cristi fidelibus ad quos presens scriptum pervenerit Hugo Dei gratia Linc[] episcopus salutem in domino Noverit universitas vestra quod cum inter dilectum filium Robertum archidiaconum Huntingdon[] canonicum prebende de Bramton[] ex una parte et Walterum filium Roberti militem ex altera super quadam capella quam idem miles sibi voluit construere in loco qui dicitur Herthey quem quidem locum idem archidiaconus ad suam prebendam de Bramton[] iure parochiali asseruit pertinere questio verteretur Tandem utraque pars inde mera et spontanea voluntate appellatione et contradictione cessantibus se nostre submiserit ordinationi Nos autem super premissis de assensu et voluntate Rogeri decani et capituli nostri Linc[] ordinavimus in hunc modum videlicet quod liceat prefato militi libere suis sumptibus sibi capellam construere in predicto loco qui dicitur Herthey matrici ecclesie de Bramton[] cum omnibus ad predictum locum de Herthey pertinentibus pleno iure parochiali subiectam et quod idem W et heredes sui habeant inperpetuum cantariam suam in eadem per capellanum ibidem residentem quamdiu voluerint et ministrantem Licebit autem eidem militi et heredibus suis ad hoc sibi eligere capellanum idoneum successive quem voluerint Quo electo et dicto archidiacono vel successoribus suis qui pro tempore fuerint canonici apud Bramton[] per eundem militem vel heredes suos presentato idem archidiaconus et successores sui ipsum sine contradictione et difficultate admittent ad divinum officium in sepedicta capella ut dictum est exequendum Concessit autem idem archidiaconus ad onera eiusdem militis et heredum suorum quoad exhibitionem capellani in dicta capella ministrantis ab eis faciendam levius sustentanda omnes minutas decimas et oblationes provenientes tam de domo dicti militis quam de tenentibus ipsius si processu temporis aliqui fuerint apud Herthey salvis omnibus decimis garbarum integre et sine diminutione matrici ecclesie de Bramton[] de predicto loco de Herthey provenientibus salvo etiam dicte ecclesie primo et principali legato cum honore sepulture Sustinebunt etiam dictus W et heredes sui omnia alia onera eiusdem capelle tam in libris vestimentis quam in omnibus aliis generaliter ad divinum officium in sepedicta capella exequendum pertinentibus et quoad ipsam capellam sustentandam et reficiendam Dicti vero tenentes matricem ecclesiam de Bramton[] bis in anno visitabunt scilicet die Pasche et die beate Marie Magdalene et omnia ecclesiastica sacramenta percipient de eadem Similiter et dictus miles et maiores de familia sua eandem ecclesiam bis in anno visitabunt scilicet die Pentec[] et die beate Marie Magdalene Iurabunt etiam idem W et heredes sui qui pro tempore fuerint quod memoratam matricem ecclesiam de Bramton[] secundum formam premissam quoad predictam capellam conservabunt indempnem et quod in eadem capella nullum parochianum eiusdem ecclesie aliter quam ut predictum est vel etiam alterius procurabunt vel quantum in ipsis erit scienter sustinebunt in preiudicium matricis ecclesie de Bramt[] vel vicinarum ecclesiarum admitti et hoc idem iurabit presbiter qui pro tempore celebrabit ibidem salvis in omnibus episcopalibus consuetudinibus et Linc[] ecclesie dignitate Ut autem hec nostra ordinatio perpetuam optineat firmitatem presenti scripto sigillum nostrum una cum sigillo predicti capituli nostri Linc[] simul cum sigillis partium duximus apponendum Hiis testibus Rogero decano Galfrido precentore Ricardo cancellario Reimundo Leirc[] Matheo Bukingham[] et Hugone Stowe archidiaconis Iohanne subdecano magistris Willelmo filio Fulconis Gilberto de Scardeburg[] Ricardo de Lindwud[] Roberto de Gravel[] Waltero Blundo Rogero de Bristoll[] et Roberto de Wassingburn[] et magistro Stephano de Cicestr[] Petro de Hungar[] et magistro Willelmo de Linc[] Willelmo de Avalon[] Petro de Bathon[] et Petro de Cheueremunt canonicis Linc[] Datum [per] manum Thome de Fiskerton[] capellani canonici Linc[] in capitulo Linc[] apud Linc[] octavo kalendas Ianuarii pontificatus nostri anno tertio decimo