Charter Document - 01960136

Omnibus Cristi fidelibus ad quos presens scriptum pervenerit Hugo Dei gratia Linc[olniensis] episcopus salutem in domino Noverit universitas vestra nos de assensu Rogeri decani et capituli nostri Linc[olniensis] concessisse dedisse et presenti carta confirmasse Nicholao filio Rogeri duas bovatas terre et unum toftum cum omnibus pertinentiis in Newerk que Eustachius filius Wynaldi de nobis tenuit et amisit per feloniam habenda et tenenda eidem Nicholao et heredibus suis iure hereditario inperpetuum libere et quiete bene et in pace integre et honorifice in omnibus locis et rebus ad terram illam pertinentibus reddendo inde nobis et successoribus nostris annuatim quinque solidos argenti pro omni servicio ad nos pertinente videlicet ad festum sancti Andree apostoli quindecim denarios ad Pascha Floridum quindecim denarios ad nativitatem sancti Iohannis Baptiste quindecim denarios et ad festum sancti Michaelis quindecim denarios Quod ut ratum sit et firmum presenti carte sigillum nostrum una cum sigillo predicti capituli nostri Linc[olniensis] duximus apponendum Hiis testibus Rogero decano Galfrido precentore Gilberto thesaurario Roberto Norh[amtoniensi] Iohanne Bedeford Willelmo Bukyng[hamie] et Roberto Huntigd[onensi] archidiaconis Iohanne sub decano Hugone archidiacono Stowe magistris Willelmo filio Fulconis et Ada de Sancto Edmundo Rogero de Bristoll[o] Roberto de Wassingburne Waltero Blundo Petro de Hungar[ia] Petro de Bathon[ia] et Petro de Cheuremunt canonicis Linc[olniensis] Olivero de Chedneto clerico Dat[um] per manum Thome de Fiskerton cappellani canonici Linc[olniensis] in capitulo Linc[olniensi] apud Linc[olniam] pridie kalendas Aprilis pontificatus nostri anno undecimo