Charter Document - 01960111
| Charter Number: | 01960111 |
|---|---|
| Cartulary Title: | Acta of Hugh of Wells, Bishop of Lincoln, 1209-1235 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1219 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens carta pervenerit Hugo Dei gratia Linc[] episcopus salutem in domino Noverit universitas vestra nos de assensu Rogeri decani et capituli nostri Linc[] concessisse et dedisse Waltero filio Roberti totum assartum factum et faciendum de bosco nostro de Herteya habendum et tenendum sibi et heredibus suis de nobis et successoribus nostris iure hereditario inperpetuum bene et in pace libere integre et honorifice cum omnibus pertinentiis libertatibus et liberis consuetudinibus suis reddendo inde nobis et successoribus nostris inperpetuum decem libras esterlingorum singulis annis in quatuor anni terminis in quibus redditus manerii nostri de Buggeden[] reddi consuevit Cuius manerii pertinenciam totum predictum assartum cum hominibus in eo mansuris et omnibus pertinenciis suis esse volumus et perpetuo attornamus ad faciendum ibidem sectas et consuetudines que alia huiusmodi libera tenementa facere debent Quod ut ratum sit et firmum presenti carta nostra et sigillo nostro et capituli nostri Linc[] duximus confirmandum Hiis testibus Rogero decano Linc[] Willelmo archidiacono Linc[] Rogero cancellario Reginaldo subdecano Reimundo archidiacono Leicestr[] magistro Iohanne archidiacono Stowe magistro Willelmo filio Fulconis magistro Gilberto de Scardeburg[] Hugone de sancto Edwardo magistro Roberto de Holm magistro Roberto de Gravel[] Petro de Hungar[] Petro de Bath[] Petro de Keuermunt canonicis Linc[] et multis aliis Dat[] per manum Willelmi de Thorn[] archidiaconi Linc[] apud Linc[] in capitulo octavo kalendas Iunii pontificatus nostri anno decimo
Source (click image below to view full size)
