Charter Document - 01960060

Omnibus [] H Dei gratia Lincoln[] episcopus salutem Cum inter viros venerabiles H abbatem sancti Aedmundi et eiusdem loci conventum ex una parte et magistrum R de Gravell[] rectorem ecclesie de Wayneflet ex altera super capella in fundo prefatorum monachorum intra predicte ecclesie parochiam constituta et super quadraginta sextaria salis ab eadem ecclesia sibi annuatim ut dicebant prestandis coram abbate de Derham et coniudicibus suis a domino papa Honorio delegatis questio verteretur tandem lis inter eos in hunc modum conquievit Supradicte videlicet partes in ordinationem quam de consensu Rogeri decani et capituli nostri faceremus pure et liberaliter consenserunt Nos igitur super hoc habita deliberatione de assensu R decani et capituli nostri super premissis taliter duximus ordinandum scilicet quod monasterium beati Aedmundi de ecclesia de Wayneflet quadraginta sextaria salis imperpetuum singulis annis percipiet per manum ipsius qui eiusdem ecclesie pro tempore rector extiterit Ita tamen quod predictus R de Gravell[] pro tempore regiminis sui in ecclesia illa xxti solidos annuos pro supradicto sale prestabit decem solidos ad festum sancti Petri ad Vincula et x solidos ad festum Purificationis beate Virginis De capella autem sic ordinavimus quotiens monachum aliquem vel monachos aliquos de monasterio supradicto ob domus sue necessitates illuc venire contigerit per capellanum matricis ecclesie in capellam liber et absque difficultate eis pateat ingressus ut ibi possint celebrare divina sine preiudicio tamen matricis ecclesie ad quam omnes obventiones quas illuc deferri contigerit cum omni integritate volumus pertinere Expletis divinis claves capelle sub eadem facilitate capellano ecclesie vel eius ministro singulis diebus restituendi []