Charter Document - 01960010

Omnibus Cristi fidelibus ad quos presens carta pervenerit Hugo Dei gratia Lincoln[] episcopus salutem in domino Sciatis nos intuitu dei et pro salute anime nostre concessisse et dedisse venerabili fratri nostro domino Ioscelino Bathon[] et Glast[] episcopo et successoribus suis inperpetuum in puram et perpetuam elemosinam feudum dimidii militis in Nortun[] cum pertinentiis suis quod Stephanus de Altavill[] de nobis tenuit et post illum Reginaldus filius eius et nos de domino rege cum homagio et servitio ipsius Reginaldi et heredum suorum inperpetuum volentes et concedentes quod idem Reginaldus et heredes sui inperpetuum faciant homagia et servitia sua de predicto feudo ipsi episcopo et successoribus suis Nos quidem homagium et fidelitatem que nobis fecit predictus Reginaldus ei remisimus et ipsum inde quietum clamavimus inperpetuum Volumus etiam et concedimus quod tam predictum feudum dimidii militis quam omnia alia feuda terre et tenementa que idem episcopus habet in hundredis de Ceddr[] et Wyntescomb[] et omnes homines de predictis terris feudis et tenementis quieti sint inperpetuum de sectis hundredorum predictorum et omnibus gaudeant libertatibus et liberis consuetudinibus quas alia maneria sua habere noscuntur Ut autem hec nostra concessio et donatio perpetua firmitate roboretur eam presenti carta et sigilli nostri appositione confirmavimus Hiis testibus Galfrido filio Baldewini senescallo nostro magistro Hugone de Wylton[] magistro Willelmo de Keynesham Petro de Wilton[] Petro de Bathon[] Stephano de Baddebir[] et multis aliis Dat[] apud Stowam per manum magistri Willelmi de Thornaco archidiaconi de Stowa quarto idus Iulii pontificatus nostri anno quinto